Ադրբեջանական աղբիւրները այսօր տեղեկութիւն տարածեցին Բաքուէն Ստեփանակերտ Կարմիր Մահիկի յովհանու ներքոյ «հումանիտար» բեռ ուղարկելու վերաբերեալ, սակայն արցախեան կողմին հետ տուեալ հարցով որեւէ պայմանաւորուածութիւն չի եղեր:Այս մասին «Արցախպրես»-ի հարցմանն ի պատասխան՝ նշեր է Արցախի Հանրապետութեան նախագահի մամուլի խօսնակ Լուսինէ Աւանէսեանը` յաւելելով, որ, յետեւաբար, այդ քայլը ուղղուած է եղած խնդիրները խորացնելուն, բայց ոչ լուծելուն: «Բերձորի ճանապարհի` սահմանուած ռեժիմի վերագործարկման խնդիրը եղեր եւ կը մնար առաջնահերթ, եւ Բաքուի հետ որեւէ երկխօսութիւն պետք է ծաւալուի նախ եւ առաջ այդ հարցին շուրջ։ Ճանապարհը պետք է ազատ եւ անխափան գործի ինչպէս մարդկանց, այնպէս ալ բեռներու ու մեքենաներու երկկողմանի տեղաշարժի համար։ Եթէ Բաքուի իշխանութիւնները իրոք յետաքրքրուած են Արցախի ժողովուրդի ծանրագոյն հումանիտար աղետի վերացմամբ ու ցեղասպանութեան կասեցմամբ, ապա պետք է ոչ թէ կեղծ մարդասիրութիւն խաղան, այլ պարզապէս չարգելեն Բերձորի ճանապարհով Արցախի մատակարարումներու վերականգնմանը, ինչպես նախատեսուած է 2020թ. նոյեմբեր 9-ի եռակողմ յայտարարութեամբ եւ Արդարադատութեան միջազգային դատարանի հրամաններով»,- ընդգծեր է Լ. Աւանէսեանը: