Ժորա եւ Արամ Արզումանեանները զոհուեր են 2020-ի Նոյեմբեր 7-ին, Շուշի: 

Եղբայրները կը ծառայէին ոստիկանութեան ներքին զորքերը: Կը բնակէին Արարատի մարզի Վեդի համայնքի Արալեզ բնակավայրը: Պատերազմի առաջին օրը Ժորան ու Արամը հերթապահութեան չեն եղեր։ Աշխատավայրէն զանգահարեր ու ըսեր են, որ պատերազմ է սկսուեր, կանչեր են  աշխատանքի։ Եղբայրները մեկներ են առաջնագիծ, առաջին օրերուն եղեր են Քարվաճառ:  Հոկտեմբեր 24-ին եկեր են հերթափոխի։ Ընտանիքին անդամները խնդրեր են չգնալ։ Ժորան ու Արամն ըսեր են, որ չեն կարող։ Ետքը նորէն առաջնագիծ են մեկներ: Տանեցիներուն ըսեր են, թէ Վարդենիս են ըլլալու: Մինակ որդիներու զոհուելէն ետք Անահիտ Արզումանեանն իմացեր, որ անոնք Շուշի են եղեր:

Վերջին անգամ զանգահարեր են Նոյեմբեր 7-ի առտուն: Շատ կարճ են խօսեր, ըսեր են, որ ամէն բան կարգին է։ Ժորային կինը՝ Լիլիթը, ետք է իմացեր, որ Արամն ու Ժորան շրջափակման մէջ են եղեր։ Հարազատները տեղեկացեր են, որ Արամը զոհուեր է ցերեկը՝ ժամը 3-ին, Ժորան` իրիկունը ժամը 6-ին։ Ամուսնու զոհուելէն ետք Լիլիթ Ղազարեանը որոշեր է ծառայութեան անցներ ոստիկանութեան ներքին  զորքերը: Նոյեմբեր 13-ին ռուս խաղաղապահներու ու Կարմիր Խաչի միջազգային կոմիտէի միջնորդութեամբ Շուշիէն աճիւններ են դուրս բերուեր: Անոնց մէջ էին նաեւ Արամի ու Ժորայի աճիւնները։