24-ամեա Շաւարշ Մուրադեանը Սեպտեմբեր 27-ին մեկներ էր ռազմաճակատ՝ ժամկետային զինծառայող եղբոր կողքին ըլլալու համար, սակայն եղբորը հասնիլ չէր յաջողուեր, անոր տարեր էին այլ ուղղութեամբ, որտեղ ալ մարտերու ժամանակ զոհուեր էր 2 օր անց։

Շաւարշի հայրը՝ Մարտուն Մուրադեանը, Արցախեան առաջին պատերազմի մասնակից է։ Շաւարշը կը սիրէր կրկնիլ, որ հօրէն է  հայրենասիրութիւն ժառանգեր։ Շաւարշը Կապանի N 7 դպրոցն է սովրեր ։ 11-րդ դասարան, յաղթելով «ՖԼԵՔՍ» մրցոյթը, մեկներ էր ԱՄՆ՝ սովրելու, վերադարձէն ետք ընդունուեր Հայաստանի Ամերիկեան համալսարան։ Յամատեղ ՝ կաշխտեր բանկերէն մէկը: Հիմա Ամերիկեան համալսարան Շաւարշին  անունով կրթաթոշակ է բացուեր, որովյետեւ Շաւարշը միշտ կը պայքարէր, որ լավագոյններն ուսման վարձին խնդիր չունենան։ 

Մասնակցելով 2016թ-ի ապրիլեան քառօրեային, ծառայութեան վերջը Շաւարշը վերադարձաւ  երեք ՝ «Մարշալ Բաղրամեան», «Աղբիւր Սերոբ» մեդալներով եւ ՀՀ պաշտպանութեան նախարարութեան յուշամեդալով։

Շաւարշը պատերազմին առաջին օրը՝ Սեպտեմբեր 27-ին, «Արծիվ-30» մահապարտ ջոկատի հետ էր մեկներ առաջնագիծ, սակայն անոր տարեր էին ոչ թէ Յադրութ՝ որտեղ կը ծառայէր իր եղբայրը, այլ Մարտակերտ, քանի որ Ապրիլեան պատերազմին ատեն այնտեղ մասնակցեր էր մարտական գործողութիւններու։ 

Շաւարշ Մուրադեանը  զոհուեր է Սեպտեմբեր 29-ին՝ 24 տարեկանին։  Մահապարտներու 8 հոգանոց խումբին հետ իր կողմէն մղուած մէկուկէս ժամանոց մարտին վերջը  Շաւարշը զոհուեր է, միւս եոթը վիրաւորուեր են։