Ռազմական հարցերով փորձագէտ եւ թոշակի անցած Սուրիական զօրավար Ալի Մաքսուդը կը մեկնաբանէ Սուրիական ժողովրդական ուժերու մուտքը Աֆրին՝ ըսելով․ “Անոնք վճռական են՝ դիմակայելու համար որեւէ ոտնձգութեան”։ “Թիւրք զինուորականները չեն համարձակիր ընդհարուիլ Սուրիական այն ուժերուն դէմ՝ որոնք Սուրիոյ քիւրդերու լայն աջակցութիւնը կը վայելեն”:

Ալի Մաքսուդ՝ թոշակառու եւ ռազմական հարցերով փորձագէտ․  ©Tasnim

Զօրավար Մաքսուդի համար, “Սուրիական ժողովրդական բազմազգ ստորաբաժանումներուն տեղակայումը Աֆրին՝ ուղերձ մըն է Թիւրքիային եւ անոր անունով գործող ահաբեկիչներուն։ Իրոք, Աֆրինի մէջ յառաջացած է ուժերու նոր հաւասարակշռութիւն մը: Այս իրավիճակը վերջապէս կը հանդիսանայ Դիմադրութեան առանցքը դէմ առ դէմ ռազմավարութեան` ուղղուած եռամիասնութեան, որ կ՛ընդգրկէ ԱՄՆ-ը, Իսրայէլն ու Թիւրքիան, ներխուժող եռամիասնութիւնը՝ որ բռնութիւնը բռնութեան ետեւէ կը շարունակէ Սուրիական տարածքին վրայ։ Անկարան յարձակած է Աֆրինի վրայ, ինչպէս ԱՄՆ-ը գրաւած է Եփրատի արեւելեան ափը, կամ Իսրայէլը՝ որ անդադրում թիրախ դարձուցած է Սուրիոյ տարածքը: Իրօք, ԱՄՆ-ի վարչակազմը որոշած է Սուրիոյ հողը վերածել հակամարտութեան ռազմադաշտի ընդդէմ Ռուսիոյ եւ Իրանի՝ առանց հաշուի առնելու Սուրիոյ ազգային գործօնը”։

Թոշակի անցած Սուրիացի զօրավարը կը շարունակէ․ “Այն պահը երբ կամաւորական ուժերը անցան Աֆրինի դարպասէն ներս՝ պատմական եղելութիւն մըն է, որ կը յատկանշէ յառաջացումը ազգային դիմադրութեան՝ ընդդէմ նախայարձակի մը, բառիս բուն իմաստով։ Թիւրքիան ամբողջովին խրուած է Աֆրինի մէջ, ուր ան չէ կրցած իրականացնել իր ռազմական թէ ռազմավարական նպատակները։ Անոր կորուստներուն հաշուեկշիռը ծանր է, եւ իր զինուորներն ու վարձկանները չեն համարձակուիր մօտենալ Սուրիական ուժերուն եւ բնակչութեան, որոնք ցոյց կուտան  օրինակելի դիմադրութիւն։ Աֆրինի մէջ Թիւրքիան Ամերիկայացուած է, ան կը յետապնդէ քաղաքացիները` առանց ռազմական ձեռքբերումներու հասնելու”։

Ըստ Մաքսուդի՝ Սուրիոյ բանակին դէմ Անկարայի սպառնալիքները կը վկայեն անոր վրդովմունքին մասին։ “Էրդողանը սարսափելիօրէն տուժած է Աֆրինի մէջ։ Ան ըսած է թէ զանգահարեր է Պուտինին՝ անկէ խնդրելով, որ կանխէ Սուրիական բանակի տեղակայումը այս քաղաքին մէջ: Արդե՞օք։ Բայց ան չէր ակնկալեր, որ ժողովրդական ուժերը վայրէջք կը կատարեն քաղաք, անոնք կ՛ողջունեն բնակչութեան եւ կը բարձրացնեն Սուրիական դրօշակը հանրային շէնքերու գլխավերեւը։ Այս քայլը զրկեց Էրդողանին իր նախադրեալէն՝ ահաբեկչութեան դէմ պայքարէն”:

Ըստ զօրավար Մաքսուդի, “Ամերիկացիները օգտագործեցին եւ չարաշահեցին քրդական գործօնը որպէս ճնշման լծակ՝ նախապատրաստելու համար իրենց ծրագիրը, սակայն անոնք արդէն կորսնցուցին այդ գրաւականը։ Ինչո՞ւ” Որովհետեւ եթէ Թիւրքիան կը դիմէ ԱՄՆ-ին, որ ան ստեղծէ ամերիկա-քրդական ոյժ մը, գրաւելու համար Մանբիջը, եւ որսալու Իսլամիստներուն, եւ ան կը ստանայ ԱՄՆ-ի այո-ն՝ այդ կը նշանակէ, որ ԱՄՆ-ը պատրաստ է Քիւրդերուն ազատ թողելու: Աւելին, ԱՄՆ-ի մտածելակերպը մշտապէս կը պնդէ, որ քիւրդերը սպառնալիք կը ներկայացնեն Ամերիկեան շահերուն՝ երկարաժամկետ հեռանկարի մը վրայ”։

Եւ զօրավարը կ՛եզրակացնէ․ “Սուրիական ժողովրդական ուժերն իրենց արեան գնով պաշտպանելով Սուրիական Աֆրին քաղաքը՝ կը դիմադրեն թիւրք նախայարձակին․ սա վերջ պիտի տայ մեծամտութեամբ տառապող Էրդողանի երազին, որով ան Սուրիոյ հիւսիսին կ՛ուզէր ստեղծել ապահովութեան գօտի մը։ Այս առումով, Իսրայէլը նոյնպէս ականատես կը դառնայ, որ իր զօրաշարժի ծիրը զգալիօրէն սահմանափակուած է

Գալիլիայի երկինքին Իսրայէլական Ֆ-16 օդանաւի կործանումը կրնայ կրկնուիլ։ Դիմադրութեան առանցքը աշխարհաքաղաքական շրջադարձի շեմին կը գտնուի, ինչը անոնց թոյլ պիտի տայ զգետնելու նախայարձակ ուժերն ու կոտրելու անոնց բազուկները”։

Ինչպէս կը տեղեկացնէ presstv լրատուական գործակալութիւնը։

By editor