Սա ազգային յատուկ յարգանքի տուրք մըն է, մատուցուած Չորեքշաբթի Մարտի 28-ին, ոստիկանութեան գնդապետ Առնոդ Բելտրամի յիշատակին, որ 44 տարեկան հասակին զգետնուեցաւ Ռադուան Լաքդիմի ձեռքով, երբ ան Տրեբեսի (Օդէ) մեծ վաճառատան մը մէջ փոխարինած էր պատանդի մը։ Այս պաշտօնական արարողութիւնը, որ կազմակերպուած է բոլոր զինուորականներուն յարգանքի տուրք մատուցելու պատուոյ հրապարակին վրայ, կ՛ոգեկոչէ զինք որպէս “մահացած՝ Ֆրանսային ծառայելու իր առաքելութիւնը իրականացնելու պահին”, եւ որպէս “ֆրանսական հերոսականութիւն”, ինչպէս շեշտադրեց Հանրապետութեան Նախագահ էմանուէլ Մարկոնն իր դամբանական խօսքով։
Ոստիկանի քաջագործութեան այս քայլը, որով ան իր կեանքը տուաւ փրկելու համար ուրիշի մը՝ հազարաւոր մարդկանց կողմէ որակուեցաւ որպէս ազգային զգացմունքի արտայայտութիւն, նաեւ աւագ դպրոցի եւ քոլէջի հարիւրաւոր ուսանողներու կողմէ՝ որոնք եկած էին ողջունելու անոր շքերթը Փարիզի փողոցներով, որոնք սահմանագծուած էին ուղղեկալներով եւ շարժական ոստիկաններով, այրուձիով եւ հրշէջներով՝ իրենց համազգեստներով։ Ժամը 10-ի սահմաններուն մէկ վայրկեանի լռութիւն տիրեց բոլոր ոստկանատուներէն եւ թաղապետարաններէն ներս, նաեւ եկեղեցիներուն, հրապարակներուն, յուղարկաւորներու շարասիւնին մէջ, Պանթէոնի եւ ֆրանսացի մեծագոյն անձերուն նուիրուած յուշարձաններու տարածքին:
Նախագահ Արմենակ Աբրահամեանը միացած է ազգային յարգանքի տուրքի երթին, որ տեղի ունեցած է 11:30-ի եւ 12:00-ի միջեւ մէկ վայրկեան լռութեամբ, եւ մասնակցած է արարողութեան ամբողջ ընթացքին։

lemonde.fr