Միացեալ Ազգերու Անվտանգութեան Խորհուրդի յատուկ նիստին Երեքշաբթի օր՝ Ռուսաստանը ներկայացուցած է վեց փուլանի ամբողջական ծրագիր մը՝ Սուրիոյ մէջ իրավիճակը կարգաւորելու համար:

ԿԱՐԻՆ – Ռուսաստանի մշտական ներկայացուցիչը ՄԱԿ-ի մէջ՝ Վասիլի Նեբենզիան, Ռուսաստանի խնդրանքով տեղի ունեցած հանդիպման մը ընթացքին՝ ուր կը քննարկուէր մարդասիրական իրավիճակը Յորդանան-Սուրիա սահմանին գտնուող Սուրիական Ալռկաբբան քաղաքի ճամբարին մէջ, իր ելոյթով հնչեցուցած է․ “Նախ, Սուրիոյ ճգնաժամը ռազմական լուծում չունի՝ այլ քաղաքական հիմքեր”:

Կանոնակարգը հանրայատ է, եւ համատեղ միջոցներ պէտք է ձեռնարկուին իրականացնելու համար ՄԱԿ-ի Անվտանգութեան Խորհուրդի 2254 բանաձեւը, որ
կ՛ապահովէ աջակցութիւնը Աստանայի գործընթացի բանակցութիւններուն, եւ կ՛աջակցի Սոչիի մէջ կայացած Սուրիոյ ազգային երկխօսութեան արդիւնքներուն:
Ան կոչ ըրած է ԱՄՆ-ին եւ անոր դաշնակիցներուն՝ դադրեցնելու համար Սուրիոյ ինքնիշխան պետութեան դէմ սպառնալիքները, որոնք կը խախտեն ՄԱԿ-ի կանոնադրութիւնն ու միջազգային իրաւունքները, ընդգծելով որ սա ծրագիրի երկրորդ կէտն է։
Ան շարունակած է․ “Երրորդ, մենք կը խնդրենք բոլոր պետութիւններէն եւ բոլոր քաղաքական ուժերէն՝ դադրեցնել թշնամական խօսքն ու ատելութիւնը Սուրիոյ իշխանութիւններուն նկատմամբ ինչպէս Ռուսաստանը, եւ բռնութիւն կիրառելով գործող իշխանութիւնը տապալելու քայլեր չձեռնարկեն”:
“Չորրորդ, կոչ կ՛ընենք Պետութիւններուն՝ որոնք համապատասխան ազդեցութիւն ունին ապահովելու ահաբեկիչներուն կողմէ զինուած խումբերու վերջնական բաժանումը, եւ որոնք ներգրաւուած են ահաբեկչութեան դէմ պայքարին՝ իրական միջազգային համագործակցութեան»:
Ռուսական ծրագիրի հինգերորդ փուլը ըստ Նեբենզիայի՝ Միացեալ Ազգերու կազմակերպութեան եւ միջազգային հանրութեան անյապաղ միասնութիւնն է, իրական մարդասիրական օգնութիւն հասցնելու համար Սուրիային։
Անցնելով վեցերորդ եւ վերջին փուլին՝ Նեբենզիան կոչ ըրած է բոլոր ընդդիմադիր խմբերուն, խուսափիլ սադրանքներէ՝ որոնք կը ներառնեն քիմիական զէնքի կիրառումը, արտաքին բռնութիւն առաջացնելու նպատակով: