ԿԱՐԻՆ, ԱՐԵՒՄՏԵԱՆ ՀԱՅԱՍՏԱՆ – Թիւրքիան որոշած է վերադարձնել Արեւմտեան Հայաստանի ոսկիի պահուստները՝ որոնք ի պահ դրուած են ԱՄՆ-ի Դաշնային պահուստային ֆոնդի պահեստարաններուն մէջ։

Անկարան, որ կը պնդէ, թէ կը տնօրինէ համաշխարհային ոսկիի 11-րդ պահուստը՝ յայտարարած է իր մտադրութիւնը իրեն վերադարձնելու 220 տոննանոց այդ թանկարժէք մետաղը, որ մինչեւ այս պահը կը գտնուի ԱՄՆ-ի Դաշնային պահուստային համակարգին մէջ, ըստ թրքական Ենի Շաֆակ լրատուական միջոցին։
Յայտարարութիւն մը, որ կուգայ Թիւրքիոյ նախագահ Ռեջեպ Թայիպ Էրդողանի կողմէ՝ անոր հրապարակային յարձակումէն ետք դոլարի դէմ, արժոյթ մը՝ որով կնքուած են միջազգային վարկերը:
Թրքական լիրան վերջին տարիներուն ուղղակիօրէն տուժած է ամերիկեան արժոյթէն․ 2013 թուականի աւարտին մէկ դոլարը կ՛արժէր երկու թրքական լիրա, եւ այսօր ան կ՛արժէ չորս լիրա։
“Դոլարով աշխարհը մշտապէս փոխարժեքի տոկոսադրոյքի ճնշման տակ է”, պնդած է Թիւրքիոյ նախագահ Էրդողանը որոշ ժամանակ առաջ։
Մենք յիշեցնենք այստեղ, որ 2015 թուականին Թիւրքիոյ պարտքը Արեւմտեան Հայաստանի նկատմամբ կը կազմէր 12.5 տրիլիոն Եւրոյի չափ։ Թիւրքիան ԱՄՆ-ի Դաշնային պահուստային ֆոնդին մէջ ոսկիի պաշարներ չունի, այս ոսկին տարուած է Արեւմտեան Հայաստանէն, եւ կը համապատասխանէ Արեւմտեան Հայաստանի Հայերու ունեցուածքի մէկ մասը։
Յիշեցնենք, որ 1917 թ․-ի 29 Դեկտեմբերին՝ Սովետական Միութեան Ազգերու Խորհուրդը հռչակած է թրքական Հայասաստանի (Արեւմտեան Հայաստանի) Հայերու ինքնորոշման իրաւունքը՝ մինչեւ անոնց անկախութիւնը, եւ որ 1920 թ․-ի Յունուար 19-էն Արեւմտեան Հայաստանը Պետութիւն է՝ դէ ֆակտօ անկախ ճանչցուած Փարիզի Վեհաժողովին, եւ դէ յուրէ՝ 1920 թ․-ի Մայիս 11-ին Սան Ռեմոյի Վեհաժողովին, Դաշնակիցներու Գերագոյն Խորհուրդին կողմէ, որու սահմանը Թիւրքիոյ հետ վճռուած է ԱՄՆ-ի նախագահ Վուդրո Ուիլսընի կողմէ 1920 թ․-ի Նոյեմբերի 22-ին, ընդգրկելով Բիթլիսի, Վանի, Էրզրումի եւ Տրաբիզոնի նահանգները, սակայն չէ ճանչցուած ՄԱԿ-ի անդամներուն կողմէ, որովհետեւ ան բռնագրաւուած է Թիւրքիոյ կողմէ։
Յիշեցնենք, որ 1894-էն մինչեւ 1923 թուական՝ բռնագրաւուած Արեւմետան Հայասատանի տարածքի բնիկ բնակիչ հայ ժողովուրդը ենթարկուած է ցեղասպանութեան, թրքական յաջորդական երեք կառավարութիւններուն կողմէ։