Միացեալ Նահանգներու մէջ Հայաստանի դեսպանատան տարածած հաղորդագրութեան համաձայն, Սպիտակ տան ղեկավարը Փաշինեանին յղած շնորհաւորական ուղերձին մէջ նշած է. – «Անհամբերութեամբ կը սպասեմ մեր համագործակցութեան՝ փոխադարձ հետաքրքրութիւն ներկայացնող բազմաթիւ բնագաւառներու մէջ, այդ շարքին` առեւտուրի, ժողովրդավարական ինստիտուտներու եւ տարածաշրջանային անվտանգութեան ամրապնդման ոլորտներէն ներս»:

«Կաշառակերութեան դէմ պայքարի առաջընթացին, քաղաքական բոլոր ուժերու համախմբման եւ Լեռնային Ղարաբաղի հակամարտութեան խաղաղ կարգաւորման կը նպաստեն այդ ջանքերը, եւ կ՛երաշխաւորեն Հայաստանի պայծառ ապագան: Լաւագոյն մաղթանքներս Ձեզի եւ հայ ժողովուրդին», – գրած է ԱՄՆ-ի նախագահ Դոնալդ Թրամփը Հայաստանի նորընտիր վարչապետ Նիկոլ Փաշինեանին: