Լեռնագնացները կը նշեն․ «Օր օրի Արարատ (Մասիս) լերան ձիւնը կը հալչի…”

ԱՐԵՒՄՏԵԱՆ ՀԱՅԱՍԳՏԱՆ – Լեռնագնացները կը յայտնեն, որ Արարատ (Մասիս) լերան ձիւները օրէ օր կը հալչին գլոբալ տաքացման պատճառով։

Կը նշուի, որ անցեալ տարի, Արարատ (Մասիս) լերան 5 հազար 137 մ բարձրութեան վրայ սառցադաշտերուն մէջէն փոքիկ քար մը կ՛երեւար, իսկ այս տարի նոյն տարածքի սառոյցներուն հալուելով՝ տեսանելի դարձած է ընդարձակ ցամաքային տարածք մը:
Լեռնագնացները կ՛ըսեն. «Հսկայ լեռը մեր աչքերուն առջեւ կը սառցազրկուի: Մենք պէտք է հաշուի առնենք, թէ ինչպիսի վտանգ կը սպառնայ մեզի: Մոլորակային տաքացման հարցով՝ Արեւմտեան Հայաստանը պետք է նախազգուշական միջոցներ ձեռնարկէ»:
Արեւմտեան Հայաստանի կտուրը ըլլալով՝ “Արարատ լերան (Մասիսի) գագաթային մասը ամբողջութեամբ ծածկուած էր ձիւնով եւ սառոյցով, ինչպէս կը նկարագրեն լեռնագնացները, երբ միայն մէկ քար տեսանելի էր։ Սակայն այս տարի տասնեակ քարեր կ՛երեւան։ Գագաթային մասը երկար տարիներէ ետք՝ մերկացած կը տեսնենք” կը պնդեն անոնք։

2018 թ․-ի Օգոստոս 9-ին, Բնիկ Ժողովուրդներու միջազգային օրը, Արեւմտեան Հայաստանի Հանրապետութեան նախագահ Արմենակ Աբրահամեանը վաւերացուցած է թիւ 48 հրամանագիրը, Արարատ (Մասիս) լեռը (աշխարհով մէկ նշանաւոր) դասակարգելով որպէս Սուրբ լեռ, եւ Արեւմտեան Հայաստանի եւ Հայ ժողովուրդի (Հայաստանի բնակչութեան) կողմէ պաշտպանուող հրաբուխ (լեռ):
Մարդկութիւնն իր խորքերէն ներշնչող սրբազան աղբիւրի տարածք է Արարատ լեռը (Մասիսը), որն ուղիղ կը յառնի Արարատեան դաշտավայրէն՝ ծովի մակերեսէն 5137 մ․ բարձրութեամբ:

Արարատ անունը առաջին անգամ կը յայտնուի Աստուածաշունչի մէջ – «Ծննդոց» գիրքը (Գ. 8.4) կը յիշատակէ լեռնաշղթայ մը, ուր Նոյի տապանը հանգրուանած է Ջրհեղեղէն ետք, Արարատեան թագաւորութեան սահմաններուն, որ նաեւ ասորական հինաւուրց աղբիւրներով յայտնի է որպէս Ուրարտու, եւ զարգացած է հայկական բարձրավանդակի եւ անոր մեծ լիճերուն շուրջ։

Նախապատմական շրջանէն՝ Արարատ լեռը (Մասիսը) կը խորհրդանշէ Վիշապը, Հայերու Վիշապը, կրակ արտաշնչող, որ մինչեւ օրս մեծ ազդեցութիւն ունի հայ արուեստին վրայ:

«Օձը կ՚երազե Վիշապ ըլլալու մասին »

Այս պատմական դասակարգումը կը վերաբերի նաեւ ամբողջ տարածաշրջանին, Արարատեան դաշտին, Սուրբ Յակոբի վանքին եւ Արարատի (Մասիս) մարզի ամբողջ պատմական ժառանգութեան: