ԿԻԼԻԿԻԱ – 4-րդ Կէտ. – Այն իրավիճակը, որ կը պահանջէ Մարդու իրաւունքներու խորհուրդի ուշադրութիւնը: 39-րդ նիստ

Աշխարհի տարածքին մարդու իրաւունքներու բազմաթիւ խախտումներէն՝ մեր կազմակերպութիւնը այժմ կ՛անդրադառնայ Սուրիական ողբերգութեան, եւ կը դատապարտէ Վենեսուելլայէն ներս անմիջական միջամտութիւնը:

Սուրիոյ վերաբերեալ հարցաքննութեան յանձնաժողովի զեկոյցին առնչութեամբ կարելի է ըսել, որ ան արժանահաւատութիւն չի ներշնչեր տարբեր ահաբեկչական զինուած խումբերու դերին եւ պատասխանատւութեան խնդրին, ինչը կրնայ հանգեցնել ինքնիշխան պետութեան ոչնչացման:

Ցաւալի է ըսել, թէ յանձնաժողովը կարծես թէ չէ այցելած Սուրիոյ Արաբական Հանրապետութիւն, կամ առնուազն այն վայրերը՝ որոնք կը վերահսկուին անպատժելիօրէն յանցագործութիւններ կատարող ահաբեկիչներու կողմէ:

Յանձնաժողովը հեռակայ կարգով ուսումնասիրած է մամուլէն ստացուած տեղեկատւութիւնը՝ կատարուած արեւմտեան հասարակական կազմակերպութիւններուն կողմէ:

Յանձնաժողովի զեկոյցը չ՛ըսէր, որ Սուրիոյ հիւսիսակողմին՝ մասնաւորապէս Արեւելեան Ղութայի եւ Հալէպի մէջ ահաբեկիչները անողոք սպաննած են անզէն բնակիչները, խոշտանգած են բանտարկեալները մինչեւ մահ, ոչնչացուցած են քաղաքացիական ենթակառուցուածքները:

Արեւմտեան ուժերը կը չարաշահեն Մարդու իրաւունքներու Խորհուրդի Հիւսիս-հարաւ յարաբերութիւնները որպէս քաղաքական եւ դիւանագիտական զէնք, եւ կ՛օգտագործեն զայն որպէս տնտեսական եւ գաղափարական բռնութեան գործիք, որպէսզի խրախուսեն ու  նպաստեն Սուրիոյ մէջ իրենց գերակայութեան, ինչպէս այժմ Վենեզուէլլայի մէջ:

Իրօք, Սուրիոյ հարցը կը վերաբերի Սուրիոյ բնական գազի պաշարներուն, եւ քաղցրահամ ջուրի բաշխման, նաեւ Աշուրի, Սուրիանի, Ասորի, Հայ ու Եզիդի բնիկ ժողովուրդներու ոչնչացման հարցին:

Այս բոլոր միջամտութիւններն արդարացնելու զէնքը, եւ «պաշտպանելու պատասխանատւութեան» մարտավարութիւնն է, որն իրականութեան մէջ կը պաշտպանէ նոր-գաղութատիրական ուժերու աշխարհաքաղաքական շահերը:

Ասադի դէմ հակա-ահաբեկչական զօրավարժութիւնները այլ նպատակ չեն հետապնդեր՝ քան նախագահ Ասադի բացառումը քաղաքական խաղէն, եւ Պետութեան մը գործող ղեկավարին կանգնեցնել միջազգային քրէական Դատարանին առջեւ: