ՌԴ ռազմաօդային ուժերու IL-20 ինքնաթիռը խփուած  է Ս-200 հակահրթիռային պաշտպանութեան հրթիռի յարձակման որպէս արդիւնք, Իսրայէլի հրթիռային յարձակման ժամանակ: Ռուսաստանի Դաշնութեան Պաշպպանութեան Նախարրարի ներկայացուցիչ Իգոր Կոնաշենկովը կոչ ըրած է ողբերգութեան մեղաւոր ճանչնալ Թէլ-Աւիւին , քանի որ Իսրայէլեան ինքնաթիռները քողարկուած էին ռուսական ինքնաթիռին ներքոյ, եւ դիտաւորութեամբ վտանգաւոր իրավիճակ կը ստեղծէին: Այս ողբերգական միջադէպին կապակցութեամբ Ռուսաստանի Դաշնութեան պաշտպանութեան նախարար Սերգէյ Շոյգուն հեռախօսազրոյցներ ունեցած է Իսրայէլի պաշտպանութեան նախարար Աւիգդոր Լիբերմանին հետ `տեղեկացնելով, որ միջադէպը լիովին Իսրաէլեան անպատասխանատու գործունէութեան արդիւնք էր:

Սուրիոյ արեւելեան նահանգ Դէյր Էզ-Զօրի մէջ տեղակայուած քրդական խմբաւորումները կը շարունակեն կորուստներ կրել «իսլամական պետութեան» թաքնուած խմբերու գործողութիւններուն պատճառով: Դամասկոսի խօսքերով՝ Եփրատի միւս կողմը գտնուող Ալարարի քաղաքին մերձակայ Դարնագի գիւղին մէջ նուազագոյնը ինը քիւրդ զինեալ զոհուած է: Մէկ այլ դէպք, որ տեղի ունեցած է հիւսիսէն փոքր ինչ աւելի վեր, Դիբանի ծայրամասին, որ կը գտնուի Եփրատի արեւելեան ափին՝ եւս մարտեր ընթացած են ,որոնց հետեւանքով քրդական ուժերը քանի մը զոհ տուած են :Ամիսներ շարունակուող մարտերը հանգեցուցած են ահաբեկչական խմբաւորումներու պարտութեան Դէյր Էզ Զօրի շրջանին,սակայն վերջին մարտերը եւ քրդական ուժերու շարունակական կորուստները կը ստիպեն մտածել,որ Իսլամական Պետութեան զինեալներուն նկատմամբ այս շրջանին լիակատար յաղթանակի դեռ չեն հասած: