Նախագահ Ռեջեպ Թայիպ Էրդողանի կառավարութեան դէմ 2016 թ.-ի ձախողած յեղաշրջման փորձէն ետք՝ երկրին մէջ սաստկացած են ճնշումները ընդդիմութեան վրայ: Տասնեակ հազարաւոր մարդիկ ձերբակալուած են Թիւրքիոյ մէջ, այդ շարքին՝ պաշտօնեաներ, ուսուցիչներ, իրաւաբաններ եւ ուսանողներ:

Երկրին մէջ կայ 384 բանտ, եւ անոնք արդէն գերբնակեցուած են: Մարտի դրութեամբ՝ անոնք կը պարունակեն 224,974 բանտարկեալ, – սա 7% -ով աւելի է, քան իրական բանտային հզօրութիւնը, – կը գրէ Gazeta.ru -ն, յղում ընելով ամերիկեան NBC News. հեռուստաալիքէն։

Ըստ պաշտօնական տուեալներու, նուազագոյնը 169 հազար մարդ հեռացուած է հանրային ծառայութեան իր աշխատանքէն:

Ներկայիս Թիւրքիան կը գրաւէ երրորդ տեղը Եւրոպայի մէջ՝ մէկ շունչին բաժին հասնող բանտարկեալներու թիւով, զիջելով միայն Ռուսաստանին եւ Բելառուսին:

Որպէսզի լուծուի  այս խնդիրը՝ թրքական իշխանութիւնները կը ծրագրեն կառուցել լրացուցիչ 228 բանտ հինգ տարուայ մէջ: Սա յայտարարուեցաւ Դեկտեմբերին, – կը յաղորդէ ամերիկեան հեռուստաալիքը:

Ընդդիմադիր կուսակցութեան ներկայացուցիչ Բարիշ Ջարկադաշը հեռուստաալիքին պատմած է, որ 20 հոգիի համար նախատեսուած բանտային խուցերը կ՛ընդգրկեն մինչեւ 45 մարդ:

Յեղափոխութեան փորձէն երկու տարի անց՝ «Անադոլու» լրատուական գործակալութեան տուեալներով Սեպտեմբերի 12-ին ձերբակալուած են մարդիկ:

2016 թ.-ին թրքական իշխանութիւնները մեղադրած էին յեղափոխութեան փորձի մէջ Էրդողանի նախկին դաշնակից, ազդեցիկ 77-ամեայ իսլամական քարոզիչ Ֆեթուլլահ Գիւլէնին: Ներկայիս ան ստիպուած է թաքնուելու ԱՄՆ-ի մէջ, Փենսիլվանիա: Հակառակ Թիւրքիոյ դիրքորոշման՝ Սպիտակ տունը մտադիր չէ յանձնելու Գիւլէնին, կը յիշեցնէ NBC- ն: