Իրանի Ահուազ քաղաքին մէջ զօրահանդէսի ժամանակ ահաբեկչութիւն կատարուած է, – կը յայտնէ ՌԻԱ Նովոստի գործակալութիւնը՝ Press TV հեռուստաալիքէն յղելով:

Հեռուստաալիքի տուեալներուն համաձայն՝ անյայտ անձեր կրակ բացած են զօրահանդէսին ընթացքին: Մահացած է քանի մը մարդ, զոհերուն թիւը չէ յստակեցուած: Իրանական Թասնիմ գործակալութիւնը սակայն կը հաղորդէ, որ զոհուած է առնուազն 8 մարդ՝ Իրանի իսլամական յեղափոխութեան պահապաններու կազմի զինծառայողներ:
Կը հաղորդուի 7-էն 20 վիրաւորի մասին: Նշուած է նաեւ, որ ոչնչացած է 2 գրոհային:

Այսօր զօրահանդէսներ կ՛ըլլան Իրանի շարք մը քաղաքներուն մէջ, որոնց շարքին նաեւ մայրաքաղաք Թեհրանի մէջ: Անոնք նուիրուած են Սրբազան պաշտպանութեան շաբաթուան՝ յիշատակի միջոցառումներ, որոնք նուիրուած են 1980-1988 թուականներուն տեղի ունեցած իրանա-իրաքեան պատերազմին: