Մասուդ Բարզանին յայտարարած է, որ պատրաստ է Իրաքեան Քրդիստանի ինքնավար շրջանին մէջ երկրորդ հանրաքուէ անցընելու:

Քրդիստանի նախկին Կառավարութեան ղեկավար եւ Քրդիստանի Դեմոկրատական կուսակցութեան առաջնորդ Մասուդ Բարզանին, որ 2017 թ.-ի Սեպտեմբեր 25-ին նոյնպէս կանգնած էր Քրդիստանի ինքնավար հանրապետութեան անկախ հանրաքուէի ետին՝ յայտարարած է, որ պատրաստ է երկրորդ հանրաքուէին:

Հանրաքուէ անցընելու որոշումը ճիշտ է, ըսած է Բարզանին, ինչը մէջբերուած է Իրաքեան լրատուամիջոցներով: Կը մնայ տեսնել, թէ արդե՞օք քրդերը կողմ են հանրաքուէին կամ արդե՞օք վճռած են զայն իրականացմելու, ըսած է ան:

Բարզանիի առաջարկը հնչած է ԱՄՆ-ի պետքարտուղար Մայք Պոմպէոյի հետ հեռախօսազրոյցէն ընդամենը մէկ ամիս անց, եւ Իրաքի Քիրքուք եւ Մուսուլ քաղաքներուն մէջ տեղի ունեցած քանի մը ահաբեկչական յարձակումներէն ետք:

Բաղդադի եւ Էրբիլի միջեւ լարուածութիւն առաջացուցած էր հանրաքուէն, եւ այն անվաւեր ճանաչուած էր Իրաքի վարչապետին կողմէ, ով յետագային ձեռնամուխ եղաւ հանրաքուէի կազմակերպիչներուն դէմ պատժամիջոցներու կիրառման, եւ արգիլեց երկխօսութիւնը Էրբիլի հետ՝ մինչեւ անոր արդիւնքներուն չեղեալ յայտարարուիլը:

Հայդար ալ-Աբադի պատժիչ միջոցները բաղկացած էին Քրդիստանի վրայով չուերթի արգիլուած գօտիի ստեղծմամբ, բոլոր սահմանային անցումներուն փակումով, մինչեւ անոնց յանձնումը Իրաքի կեդրոնական կառավարութեան, ինչպէս նաեւ վիճարկուող շրջաններու վերահսկողութեան յանձնումը:

Իրաքի դաշնային Գերագոյն դատարանին կողմէ քուէարկութեան վարկաբեկումէն ետք՝ Էրբիլը կրկին վերադարձած է իր դիրքերուն:

Որոշ փորձագէտներու կարծիքով, Մասուդ Բարզանին՝ ով այժմ կը փորձէ իր կուսակցութեան համար նախագահական պաշտօնն ստանալ, կրկին առաջ քաշած է հանրաքուէի տարբերակը, զոր ան կ՛օգտագործէ զիջումներ ձեռք բերելու համար:

Իրաքի Քրդիստանի անկախացման առաջին պատմական հանրաքուէի իրաւական հիմքը՝ Սեւրի պայմանագիրի 64-րդ յօդուածն է.

Յօդուած 64 –

Եթե սոյն Պայմանագիրի ուժի մէջ մտնելու պահէն մէկ տարի յետոյ քրդական բնակչութիւնը 62-րդ յօդուածով նշուած տարածքներուն մէջ դիմէ Ազգերու Լիգայի Խորհուրդին՝ ցոյց տալով, որ  այս տարածաշրջաններու բնակչութեան մեծամասնութիւնը կը ցանկայ անկախանալ Թիւրքիայէն, եւ եթէ այդ խորհուրդը կը համարէ, որ այդ բնակչութիւնը արժանի է այդ անկախութեան, եւ եթէ այն որոշում կայացնէ այդ ուղութեամբ՝ ապա Թիւրքիան կը պարտաւորուի անմիջապէս ընդունիլ առաջարկութիւնը, եւ կը հրաժարի այդ տարածքներուն հանդէպ իր բոլոր իրաւունքներէն ու տիտղոսներէն:

Սեւրի պայմանագիրը գործոն դարձաւ այն ժամանակ՝ երբ Արեւմտեան Հայաստանը 2016 թ.-ի Յունիս 24-ին վաւերացուց Սեւրի պայմանագիրը:

2017 թ․-ի Սեպտեմբեր 25-ին Սեւրի պայմանագիրի վաւերացումէն ընդամէնը մէկ տարի ու երեք ամիս անց՝ Քրդիստանի անկախութեան հանրաքուէն կայացաւ ըստ վերը նշուած յօդուածին: