Շբթ. Սպտ 26th, 2020

Մեծ պատիւ է ելոյթ ունենալ Ձեր առջեւ որպէս առաջնորդ, ով դարձաւ Հայաստանի Հանրապետութեան վարչապէտ՝ ժողովուրդի յեղափոխութեան հետեւանքով, ինչը յայտնի է որպէս հայկական թաւշեայ յեղափոխութիւն:  Սկսելով իր ելոյթը ՄԱԿ-ի Գլխաւոր Խորհուրդի 73-րդ նստաշրջանին՝ այսպէս ըսած է Հայաստանի Հանրապետութեան վարչապետ Նիկոլ Փաշինեանը:

«Կը փափաքիմ մեր յաղթանակի պատմութեամբ կիսուիլ Ձեզի հետ: Հայ ժողովուրդը յաջողութեան հասաւ՝ առանց բռնութեան աննախադէպ յեղափոխութիւն իրականացնելով, առանց զոհերու, առանց անկարգութիւններու: Եւ ան պատահական չէ. մենք ամենասկիզբէն բացառած էինք որեւէ բռնութիւն, մենք հայտարարած էինք, որ եթէ նոյնիսկ մեր դեմ բռնութիւն կիրառուի՝ մենք բռնութեամբ չենք պատասխանելու անոր: Մենք յայտարարած էինք, որ մեր պատասխանը  բարձրացած բաց ձեռքերով եւ սիրով պիտի ըլլայ: Հայ ժողովուրդը համախմբուեցաւ եւ պայքարեցաւ իշխող վարչակարգին դէմ: Մենք յաղթեցինք առանց զոհերու, խաղաղ ցոյցերու ճանապարհով»,- ըսած է վարչապետը:

Խօսելով Լեռնային Ղարաբաղի հակամարտութեան կարգաւորման շուրջ Ատրբէյջանի դիրքորոշման մասին՝ Նիկոլ Փաշինեանը ըսած է.

«Լեռնային Ղարաբաղի հակամարտութեան խաղաղ կարգաւորումը կը շարունակէ մնալ մեր քաղաքական օրակարգին վրայ: Արցախի Հանրապետութեան կարգավիճակն ու անվտանգութիւնը՝ Հայաստանի Հանրապետութեան համար բանակցային գործընթացի առաջնահերթութիւններն են: Ռազմական ճանապարհով հակամարտութիւնը կարգաւորելու որեւէ փորձ՝ սպառնալիք է ժողովրդավարութեան եւ մարդու իրաւունքներուն համար: Հայաստանը կը շարունակէ իր կառուցողական համագործակցութիւնը ԵԱՀԿ-ի ձեւաչափով: Ան միջազգային մակարդակով միակ մարմինն է, որն հակամարտութեան կարգաւորման մանդատն ունի: Ատրբէյջանը պէտք է փոխէ իր անյարգալից վերաբերմունքը բանակցութիւններուն հանդէպ, պէտք է հրաժարի հակամարտութեան ռազմական կարգաւորման որեւէ գաղափարէ, եւ իրականացնէ նախկին ժամանակ ձեռքբերուած բոլոր պայմանաւորուածութիւնները: Բացի այդ, եթէ Ատրբէյջանն իսկապէս կողմ է հակամարտութեան խաղաղ կարգաւորման՝ ապա պէտք է սկսի բանակցութիւնները Լեռնային Ղարաբաղի հետ: