Մինսկի խումբի համանախագահներ Իգոր Պոպովի (Ռուսաստան), Ստեֆան Վիսկոնտիի (Ֆրանսա), Էնդրիւ Շոֆերի (ԱՄՆ) միջնորդութեամբ եւ մասնակցութեամբ՝ Նիւ Եորքի մէջ տեղի ունեցաւ Հայաստանի արտգործնախարար Զօհրապ Մնացականեանի եւ Ադրբէյջանի արտգործնախարար Էլմար Մամեդեարովի հանդիպումը:

Հանդիպումը սկսեցաւ նախ ընդլայնուած ձեւաչափով, ապա արտգործնախարարներն առանձնազրոյց ունեցան։ Արտաքին Գործոց նախարարը վերահաստատեց Լեռնային Ղարաբաղի հակամարտութեան բացառապէս խաղաղ կարգաւորման վերաբերեալ Հայաստանի դիրքորոշումն ու մօտեցումները։

Տեղի ունեցաւ միտքերու օգտակար փոխանակում հիմնահարցի կարգաւորման շուրջ` ուղղուած տարածաշրջանի կայուն խաղաղութեան հաստատման։

Հայաստանի արտգործնախարար Զօհրապ Մնացականեանը Չորեքշաբթի հանդիպած է Ռուսաստանի իր գործընկեր Սերգէյ Լաւրովի հետ: Հանդիպումը տեղի ունեցած է Նիւ Եորքի մէջ՝ ՄԱԿ-ի Գլխաւոր Վեհաժողովի 73-րդ նստաշրջանի ծիրէն ներս: «Քննարկուած են երկկողմ եւ տարածաշրջանային օրակարգի շարք մը արդիական հարցեր: Յատուկ ուշադրութիւն  յատկացուած է միջազգային hամաժողովներու շրջանակէն ներս հայ-ռուսական գործակցութեան», -ըսուած է Հայաստանի Հանրապետութեան Արտագին Գործոց Նախարարի տարածած հաղորդագրութեան մէջ:

Զօհրապ Մնացականեանը հանդիպում ունեցաւ Հնդկաստանի Արտագին Գործոց նախարար Սուշմա Սուարաջի հետ։

Զրուցակիցները համակարծիք էին, որ հազարամեակներու խորքէն եկող եւ փոխադարձ յարգանքի ու վստահութեան վրայ հիմնուած հայ-հնդկական յարաբերութիւններուն մէջ առկայ է մեծ ներուժ՝ առաւել հաւակնոտ ծրագիրներ ներկայացնելու եւ փոխշահաւետ համագործակցութիւնն առաւել գործնական դաշտ տեղափոխելու համար: Այդ առումով Արտագին Գրործոց նախարարներն ընդգծեցին փոխադարձ բարձրաստիճան այցելութիւններու եւ արտաքին քաղաքական գերատեսչութիւններու միջեւ պարբերական խորհրդակցութիւններու կայացման էական դերը: Երկկողմ օրակարգի յառաջմղման գործին՝ երկուստեք մեծապէս կարեւորուեցաւ հայ-հնդկական միջկառավարական յանձնաժողովի գործունէութիւնը: