Իսրայէլի պաշտօնեաները տակաւին չեն ցանկանար ընդունիլ իրենց մեղքը Սեպտեմբերի 17-ին Միջերկրական ծովի վրայ ռուսական Իլ-20-ի անձնակազմի մահուան համար:

 

Վաղը Իսրայէլեան «Իններորդ ալիք» Հեռուտատեսութեան եթերով պիտի ցուցարդուի պաշտպանութեան նախարար Աւիգդոր Լիբերմանի ելոյթը, սակայն, ելոյթէն հատուած մը արդէն հրապարակուած է հեռուստաալիքի Facebook-եան էջին. Եւ այս հատուածը պատահական չէ: Լիբերմանը մէկ անգամ եւս կը յիշեցնէ, թէ ռուսական օդանաւի կործանման համար պատասխանատւութիւնը «ամբողջովին» ինկած է Սուրիոյ նախագահ Բաշշար ալ-Ասադի եւ անոր բանակին վրայ:

«Մենք վերջին քանի մը տարիներուն ընթացքին 200 անգամ յարձակում գործած ենք Սուրիոյ տարածք՝ Իրանի եւ Հզբոլլահի թիրախներուն վրայ, եւ ոչ մէկ ռուս զինուոր չէ տուժած: Հետեւաբար, մենք շատ խիստ  կը պահպանենք բոլոր պայմանագիրները, բոլոր շփումները, բոլոր համադրումները ռուսական կողմին հետ՝ փոխգործակցութեան բոլոր կէտերով: Տարօրինակ պիտի ըլլար, որ 2018-ի ընթացքին մենք խախտէինք զայն», – ըսած է Լիբերմանը:

Ռուս փորձագէտ Անդրէյ Կոշկինը կը համարէ՝ Աւիգդոր Լիբերմանը որոշակի փաստեր կը փորձէ օգտագործել մէկ անգամ եւս շեշտելու իրենց անմեղութիւնը, սակայն բոլորը գիտեն, թէ ռուսական կողմը բերած է անհերքելի ապացոյցներ Իսրայէլեան կողմի մեղաւորութեան մասին: Միեւնոյն ժամանակ, տուեալ յայտարարութիւնները Իսրայէլեան կողմէ կը սրեն Ռուսաստանի եւ Իսրայէլի բարդ իրավիճակի մէջ գտնուող յարաբերութիւնները, երբ անկեղծ ըսած այդ անհրաժեշտ չէ, ընդհակառակը՝ պէտք է ձգտիլ ընդհանուր եզրեր գտնելու բարդ հարցերու դիւրին լուծման համար: