Իրանի անվտանգութեան բարձրագոյն խորհուրդը խոստացած է կտրուկ պատասխանել Իսրայէլի յարձակման ընդդէմ Սուրիային:

ՙՙԻսրայէլը կը ջանայ աւելի խորացնել Սուրիական հակամարտութիւնը, քայլեր նախաձեռնելով, որոնք ուղիղ օգնութիւն են ահաբեկչական խմբաւորումներուն: Մասնաւորապէս հարուածներ հասցնելով Սուրիոյ բանակին եւ անոր սատարող ուժերուն: Եթէ այդ քաղաքականութիւնը շարունակուի՝ անոնք զղջալու առիթ պիտի ունենան; – նշած է Իրանի անվտանգութեան բարձրագոյն խորհուրդի քարտուղարը, – կը հաղորդէ Թասնիմ գործակալութիւնը:

Սուրիական կառավարական ուժերը շրջապատած են  Աս-Սաֆա շրջանի ահաբեկիչներու խմբաւորումները: Բացի այդ, Սուրիական բանակը ահաբեկիչներուն դուրս  հանած է Կաատ Էլ Բանաթ կիրճէն: Այժմ կառավարական ուժերը Էս-Սուվեյդա շրջան տեղափոխած է բարձրակարգ զօրամիաւորումներ Հանրապետական գունդէն, եւ այդ շրջանին գրոհի կը  պատրաստուի ահաբեկչական խմբաւորումներուն դէմ:

Անցած 4 տարիներուն ընթացքին՝ միջազգային դաշնութիւնը ԱՄՆ-ի գլխաւորութեամբ «Անխախտելի վճռականութիւն» գործողութեան շրջանակներէն ներս  30․008 հարուած հասցուցած են Սուրիային եւ Իրաքին, ընդդէմ ահաբեկչական խմբաւորումներուն:

Այդ հարուածներուն պատճառով 1114 խաղաղ բնակիչ  զոհուած է: Սակայն դաշնութեան զեկոյցով նշուած են, որ այդ զոհերը կանխամտածուած գործողութիւններու արդիւնքը չեն, այլ լոկ պատահականութիւն: Յատկանշական է, որ Մարդու իրաւունքներու պաշտպանութեան Սուրիական մոնիթորինգի կեդրոնը նշած է, որ միայն Սուրիոյ մէջ զոհերուն թիւը 3000 ին մօտ է: