ԱՄՆ-ը Սուրիոյ մէջ պիտի մնայ այնքան ատեն, քանի դեռ Իրանն իր ներկայութիւնն այնտեղ կը պահպանէ: Ասոր մասին յայտարարած է Սուրիոյ հարցով ԱՄՆ-ի յատուկ ներկայացուցիչ Ջէյմս Ջեֆրին՝ մեկնաբանելով բարձրաստիճան պաշտօնեաներու վերջին մեկնաբանութիւններն այն մասին, որ Ամերիկեան զօրքերը Սուրիոյ մէջ պիտի մնան անորոշ ժամկէտով՝ Իրանին հակազդելու համար:

Ան նշած է, որ Սուրիոյ մէջ Ամերիկացի զինուորականներուն ներկայութիւնը առաջին հերթին կապուած է «Իսլամական պետութեան» վերջնական ջախջախման առաքելութեան հետ: Հարցին՝ նախագահ Դոնալդ Թրամփը Սուրիայէն Ամերիկեան զօրքերու դուրսբերումն արդիօք կը կապէ՞ Իրանական զօրքերու դուրսբերման հետ, Ջեֆրին պատասխանած է, թէ «նախագահը կը ցանկանայ, որ մենք Սուրիոյ մէջ այնքան մնանք՝ մինչեւ որ այդ եւ այլ պայմաններ կը կատարուին»: