Ռուսաստանի Դաշնութեան Արտաքին Գործոց նախարար Սերգէյ Լաւրովը յայտարարած է, որ Ռուսաստանը սկսած է S–300 հակաօդային պաշտպանութեան համակարգերու մատակարարումը Սուրիային։ Ասոր մասին ան յայտարարած է ՄԱԿ-ի Գլխաւոր Վեհաժողովի 73-րդ նստաշրջանի արդիւնքները ամփոփող մամուլի ասուլիսին, կը  փոխանցէ «ՌԻԱ Նովոստի»–ն։

Երկուշաբթի օր պաշտպանութեան նախարար Սերգէյ Շոյգուն յայտարարած էր, որ Ռուսաստանի Դաշնութիւնը երկու շաբաթուայ ընթացքին Սուրիային պիտի փոխանցէ S-300 համալիրներ։ Ան շեշտած էր, թէ այդ որոշումն էականօրէն պիտի ամրապնդէ Սուրիոյ մարտական հնարաւորութիւնները։