Վերջերս տեղեկութիւն տարածուեցաւ, որ Արագածի գագաթին գտնուող հայ ազատամարտիկներուն նուիրուած յուշաքարերը անյայտ անձերու կողմէ ջարդուեր եւ նետուրեր են խառնարան: 

Կը տեղեկացնենք, որ «Ազգային ատեան» հասարակական միաւորումը յանձն առաւ վերականգնելու Լէոնիդ Ազգալդեանին նուիրուած յուշաքարը, եւ այսօր՝ Սեպտեմբերի 29-ին, տեղադրուեցաւ նոր յուշաքար:

Մենք կը կարեւորենք Լէոնիդ Ազգալդեանի ներդրումը հայակերտման գործին, քանզի ան ազատամարտիկ ըլլալէ զատ՝ իր կերպարին մէջ կ՛ամփոփէ և՛ ռազմիկը, և՛ գիտնականը, և՛ մտաւորականը, և՛ մարզիկը, նաեւ իրական պետական գործիչի կարգապահութիւնն ու բարձր պատասխանատւութիւնը: 

Լէոնիդ Ազգալդեանի կերպարի կարեւորմամբ եւ հանրահռչակմամբ՝ ցանկութիւն եւ նպատակ ունինք նորահաս սերունդի աչքերուն մէջ տեսնելու Լէոնիդի եւ անոր առաքինութիւններուն արտացոլանքը:

Նախագահ Արմենակ Աբրահամեանը շնորհակալութիւն յայտնեց տեղադրման աշխատանքներու բոլոր մասնակիցներուն։