ՀՀ Կառավարութեան նիստին ելեւմտական նախարար Ատոմ Ջանջուղազեանը ներկայացուցած է 2019 թուականի պետական բիւդջէի նախագիծը, որուն համաձայն, պաշտպանութեան նախարարութեան կը յատկացուի 307 մլրդ դրամ, որմէ 300,5 մլրդ դրամը՝ ռազմական պաշտպանութեան ոլորտին։

Ոլորտին յատկացուող ծախսերն այսպիսով կ՛աճին մօտ 25 տոկոսով՝ 2018 թուականի 246․8 մլրդ դրամին համեմատ։ Ընդ որում, ընթացիկ տարուայ ռազմական բիւդջէն  17.6 տոկոսով գերազանցած է 2017-ի ցուցանիշը։ Ընթացիկ փոխարժէքով պաշտպանութեան համար յատկացուող ծախսերն առաջին անգամ գերազանցեցին $600 մլն-ի շեմը՝ կազմելով $626.3 մլն։

Ռուսական վարկով ռազմական արտադրանքի գնումներուն կը յատկացուի 42,8 մլրդ դրամ։