Իրանցի զինուորականները հրթիռ արձակած են Ահուազ քաղաքին մէջ տեղի ունեցած ահաբեկչութեան ի պատասխան, Սուրիոյ մէջ Եփրատ գետի արեւելեան հատուածին գտնուող պատասխանատուներուն ուղղութեամբ:

Ասոր մասին կը հաղորդէ Press TV-ն՝ յղելով Իսլամական յեղափոխութեան պահակախումբի կորպուսին հետ կապ ունեցող Sepah News կայքէն:

Կայքի տեղեկութիւններուն համաձայն՝ հրթիռային հարուածին հետեւանքով ոչնչացուած են մեծ թիւով ահաբեկիչներ, կան նաեւ տուժածներ:

Յիշեցնենք, որ Սեպտեմբերի 22-ին Իրանի Ահուազ քաղաքին մէջ ռազմական շքերթի ժամանակ ահաբեկչութիւն տեղի ունեցած էր: Անյայտ անձինք կրակ բացած էին մարդկանց ուղութեամբ, եւ զոհուած էր 29, վիրաւորուած էր 60 մարդ: ՄԱԿ-ի Անվտանգութեան խորհուրդը բոլոր երկիրներուն կոչ ըրած էր օգնելու Իրանին՝ գտնելու համար ահաբեկչութեան կազմակերպիչները: