Գերմանիայէն Թիւրքիա ներկրուող զէնքի ծաւալը կտրուկ կրճատուած է 2018թ․-ի Մարտին Գերմանիոյ Դաշնային Հանրապետութեան մէջ նոր կառավարութեան ձեւաւորման պահէն։ Ասոր մասին կը վկայէ Գերմանիոյ տնտեսութեան եւ էներգետիկայի նախարարութեան պատասխանը՝ Բունդեսթագի «կանանչներու» խմբակցութեան փորձագէտ Օմիդ Նուրիպուր-ի հարցման, կը տեղեկացնէ DW-ն՝ վկայակոչելով dpa-ին։

Մարտի 14-էն մինչ այժմ՝ ընդամենը 916902 Եւրո արժողութեամբ 16 թոյլտւութիւն տրուած է, Թիւրքիային զէնք մատակարարելու համար։

Որպէս ՆԱՏՕ-էն ներս Գերմանիոյ գործընկեր՝ Թիւրքիան 2016թ․-ին գերմանական զէնք ներկրող հիմնական 20 երկիրներուն շարքին էր։ Այն ժամանակ կը ներկրէր 83,9 մլն Եւրոյի զէնք։

Մատակարարումներու կրճատումը կը նախատեսուէր դեռ 2016թ․-ի Յուլիսին՝ Թիւրքիոյ մէջ զինուած յեղաշրջման փորձէն ետք։ Կրճատումը կրնայ կապուած ըլլալ նաեւ 2018թ․-ի Յունուարին թրքական զօրքերու Սուրիա ներխուժմամբ։ Քրդական Ազգային ինքնապաշտպանական ջոկատներուն վերահսկած Սուրիոյ հիւսիսակողմը, ուր թրքական ստորաբաժանումները գրոհեցին՝ անոնք կ՛օգտագործէին գերմանական Leopard 2 A4 հրասայլեր։