Այսօր հայ մեծանուն բանաստեղծ Յովհաննէս Թումանեանի ծննդեան օրն է։ Բանաստեղծ, արձակագիր, գրական-հասարակական գործիչի 150-ամեակը կը նշուի յոբելեանական միջոցառումներով՝ Հայաստանի եւ Վրաստանի մէջ, ուր եւս ան ապրեր ու ստեղծագործեր է: Թումանեանի ծննդավայր Դսեղի մէջ մեծարանքի միջոցառումներուն մասնակցեր է ՀՀ վարչապետ Նիկոլ Փաշինեանը: Յարգանքի տուրք ու գրական-ստեղծագործական ժառանգութեան արժեւորման միջոցառումներ մեկնարկեր են միաժամանակ թէ Երեւանի եւ թէ՛ Թբիլիսիի մէջ:

Թումանեանը մահացեր է 1923 թուականի Մարտ 23-ին Մոսկուայի մէջ, թաղուած է Թբիլիսիի Խոջիվանքի պանթէոնի, իսկ սիրտը՝ Դսեղ գիւղի մէջ:

2008 թուականէն ի վեր Հայաստանի մէջ Փետրուար 19-ին՝ Յովհաննէս Թումանեանի ծննդեան օրը կը նշուի որպէս Գիրք նուիրելու օր: