Ստեփանակերտի մէջ կը նախատեսուի կառուցել բնակելի երկու նոր թաղամաս՝ բազմաբնակարան շէնքերով: Մամուլի ասուլիսի ժամանակ ասոր մասին ըսեր է Արցախի Հանրապետութեան քաղաքաշինութեան նախարար Կարէն Շահրամանեանը։ Նախարարը նշեր է, որ ընդհանուր առմամբ 5, 7 եւ 9 յարկանի շէնքերը կ’ունենան 200 եւ 300 բնակարաններ:
Նախարարը տեղեկացուցեր է նաեւ, որ բնակարանաշինութեան ծրագիրով կը նախատեսուի նոր բնակելի բազմաբնակարան թաղամասեր կառուցել նաեւ Ասկերանի մէջ, Մարտունի քաղաքի եւ շրջանի Կարմիր Շուկայ գիւղին մէջ: