ՀՀ Վարչապետ Նիկոլ Փաշինեանը Փետրուարի 27-ին տիկնոջ՝ Աննա Յակոբեանի հետ երկօրեայ պաշտօնական այցով մեկներ է Իրանի Իսլամական Հանրապետութիւն:
Նախատեսուած է Նիկոլ Փաշինեանի հանդիպումը ԻԻՀ հոգեւոր առաջնորդ Այաթոլլա Ալի Խամենէի հետ:
Այցի շրջանակէն ներս, Թեհրանի մէջ վարչապետը հանդիպում ունեցեր է Իրանի նախագահ Հասան Ռոուհանիին հետ, որմէ ետք երկու երկիրներու առաջնորդները զանգուածային լրատուական միջոցներու ներկայացուցիչներուն համար հանդէս եկեր են բանակցութիւններու արդիւնքներն ամփոփող յայտարարութիւններով: Ի պատիւ ՀՀ վարչապետի՝ Իրանի նախագահի անունով մատուցուեր է պաշտօնական ճաշ: Այնուհետեւ կառավարութեան ղեկավարը հանդիպեր է նաեւ ԻԻՀ Մեջլիսի նախագահ Ալի Լարիջանիին հետ:
Փետրուարի 27-ի երեկոյեան վարչապետը այցելեր է Թեհրանի «Արարատ» մարզամշակութային կեդրոն եւ հանդիպեր է Թեհրանի հայ համայնքի ներկայացուցիչներուն հետ:
Փետրուարի 28-ին ՀՀ կառավարութեան ղեկավարը կը մեկնի Սպահան, ուր հանդիպում կ’ունենայ նահանգապետի եւ հայ համայնքի ներկայացուցիչներուն հետ: