Մինչ ԱՄՆ-ը կը յայտարարէ, որ կը ցանկանայ դուրս բերել իր զօրքերը Սուրիոյ հիւսիսարեւելեան սահմաններէն, զէնքով եւ զինամթերքով բեռնուած մեքենաները կը շարունակեն մուտք գործել տարածք: Մարդու իրաւունքներու Սուրիական դիտարանը, արեւմտամետ ընդդիմադիր լրատուամիջոցները կը տեղեկացնեն  200 բեռնատարներու շարասիւնին մասին, որոնք զինուած են ԱՄՆ-ի զէնքերով եւ զինամթերքով։

Համաձայն Մարդու իրաւունքներու Սուրիական կեդրոնի՝ «իսլամական պետութեան» դէմ ուղղուած այսպէս կոչեւած միջազգային դաշնութեան 200 բեռնատար երեկ մօտեցեր են Սուրիոյ հիւսիսին գտնուող, Հալէպի հիւսիս-արեւելքի Այն ալ-Արաբ օդանաւակայանին: Զինամթերքը նախատեսուած էր Ալ-Քաիդա ահաբեկչական խմբաւորումներուն համար, ովքեր կը շարունակեն պայքարիլ Սուրիոյ բանակին եւ անոր դաշնակիցներուն դէմ` հրաժարուելով զէնքերը վար դնելէ:

Ֆրանսայի նախագահը Փետրեւարի 25-ին, Իրաքի նախագահի հետ համատեղ ճեպազրոյցի ժամանակ, անդրադարձեր է ԱՄՆ-ի նախագահի որոշման` ակնարկելով, որ Ֆրանսան կը զիջի Ուաշինգտոնի պահանջներուն, որ կը ցանկանայ, որպէսզի ֆրանսական ուժերը մնան իրենց տեղը եւ շարունակեն իրենց  «աշխատանքը» Սուրիոյ հիւսիսին եւ հիւսիս-արեւելքին ամերիկացիներուն փոխարէն: Ալ-Քաիդա ահաբեկչական խմբաւորումները, որոնք կ’օգտուին ԱՄՆ-ի եւ արեւմուտքի, ինչպէս նաեւ Թիւրքիոյ աջակցութենէն, յարձակումներ սկսեր են Սուրիական բանակի եւ անոր դաշնակիցներու դիրքերուն դէմ։

Սուրիական օդուժը քանի մը օդային հարուածներ հասցուցեր է Իդլիբի ուղղութեամբ: Սուրիական բանակէն աղբիւրը Al-Masdar News-ին յայտներ է, որ օդային հարուածները իրականացուեր են ի պատասխան նախորդ գիշեր արեւելեան Իդլիբի մէջ «Հայ’աթ Թահրիր աշ-Շամ»-ի հակահրթիռային հարուածին: Սակայն նման յարձակումները չեն կրնար կատարուիլ առանց ԱՄՆ-ի եւ Ֆրանսայի անմիջական աջակցութեան։ Ըստ բազմաթիւ վերլուծաբաններու՝ ռազմական գործողութիւնները կրնան հանգեցնել լայնածաւալ պատերազմի: