«Միջազգային բանակային խաղեր-2019» մրցաշարի շրջանակէն ներս Օգոստոսի 3-էն 15-ը Հայաստանի Հանրապետութեան մէջ տեղի պիտի ունենանան «Խաղաղութեան մարտիկ» մրցումները:

Ասոր մասին կը տեղեկացնէ ՀՀ Պաշտպանութեան Նախարարութեան մամուլի ծառայութիւնը:

«Խաղաղութեան մարտիկ» մրցումներուն պիտի մասնակցին Հայաստանի, Բելառուսի, Իրանի, Յունաստանի, Ղազախստանի եւ Ռուսաստանի զինուած ուժերու ներկայացուցիչները:

Մրցումները տեղի պիտի ուենան Երեւանի, Դիլիջանի եւ Իջեւանի տարածքին: 

 Մրցումներու մասնակիցներն իրենց ուժերը պիտի չափեն տարբեր մրցաձեւերու մէջ:

«Խաղաղութեան մարտիկ» մրցումներու բացման հանդիսաւոր արարողութիւնը տեղի պիտի ունենայ Օգոստոսի 3-ին` Դիլիջանի Մոնթէ Մելքոնեանի անուան ռազմամարզական վարժարանի տարածքին: