Միացեալ Նահանգներու մէջ բնակող անկախ լրագրող Փիթըր Մուրսուլեանը երրորդ անգամ դարձեր է Los Angeles Area Emmy Awards մրցանակի դափնեկիրը։

Մրցանակը ամերիկահայ լրագրողն ստացեր է Holocaust Soliloquy («Մենախօսութիւն Հոլոքոստի մասին») վաւերագրական ֆիլմին համար, որ ցուցադրուեր է Ամերիկեան PBS հեռուստաալիքով 2018-ի Մայիսին:

«Պապս Հայերու դէմ կատարուած ցեղասպանութենէն փրկուածներէն մէկը եղած է, եւ ես մեծցեր եմ միջավայրի մը մէջ, ուր ողջ կեանքիս ընթացքին պատմութիւններ լսած եմ, թէ ինչերու մէջով անցեր է ան: Եւ ես ասոր մասին պատմելով՝ ցանկացայ ներկայացնել այն ամենը, ինչի մէջով անցեր է նաեւ պապս, ինչպէս եւ միւսները, որոնք տեսեր են Ցեղասպանութիւնը», – ըսեր է Մուրսուլեանը մրցանակը ստանալուն առթիւ:

Տարեսկիզբին լրագրողը արժանացեր էր նաեւ Լոս Անջելոսեան մամուլի ակումբի մրցանակին «Լաւագոյն տեսագրութիւն» անուանակարգով: Նոր մրցանակը երրորդ Emmy-ն է իրեն համար: