Օգոստոսի 30-ին կէսօրէ ետք քաղաքացիական անձեր շրջափակեր են թրքական Բաբ ալ-Հաուա անցակէտը՝ պահանջելով դադրեցնել Սուրիական կողմի գնդակոծումը անցակէտէմ եւ զայն բանալ, որպէսզի քաղաքացիական անձեր ճանապարհորդեն Թիւրքիա եւ Եւրոպա, – կը յայտնէ MMCYR Twitter ալիքը:

 Հարիւրաւոր խաղաղ բնակիչներ եկեր էին Իդլիբի քանի մը շրջաններէն: Բաբ ալ-Հաուա սահմանային անցակէտը միակ ցամաքային անցումն է, որ Իդլիբ եւ Հալէպ նահանգները կը կապէ Թիւրքիոյ հետ, եւ որ փակուեր էր մէկ շաբաթ առաջ: Թիւրք սահմանապահները պարբերաբար կրակ կը բանան տեղացիներու ուղութեամբ, ովքեր շատ կը մօտենան հսկիչ անցակէտին:

Ցուցարարները ցրելու համար թիւրքերը օդ կրակեր են, եւ ցուցարարներուն դէմ արցունքաբեր գազ օգտագործեր են: Բողոքի ցոյցին միացեր են Խիրբաթ ալ-Ջոուզ ճամբարէն որոշ փախստականներ: Ատմայի փախստականներու ճամբարին գտնուող անցակէտին ցուցարարները առգրաւեր են զէնք, զինամթերք եւ հատեր են սահմանը անձնակազմի համար նախատեսուած «միջանցքով»: Մօտ հարիւր մարդ հատեր է սահմանը: Թիւրքերը կրակ բացեր են անոնց վրայ. Կան զոհեր: 

Երեկոյեան Թահրիր ալ-Շամ ահաբեկչական խմբաւորման զինեալները ժամաներ են բախման վայր եւ փակեր են դէպի անցակէտը տանող ճանապարհը: Ըստ աղբիւրին՝ ահաբեկիչները կրակ բացեր են ցուցարարներուն վրայ: Բողոքի ցոյցը զէնքի գործադրմամբ ճնշելէ ետք, թրքական սահմանային զօրքերը ամբողջութեամբ փակեր են անցակէտը: