Արեւմտեան Հայաստանի Տիգրանակերտ նահանգի Հազրօ շրջանին գտնուող Չիթլիբահչէ գիւղին մէջ հայերու կողմէ 200 տարի առաջ կառուցուած աղբիւրը կը  շարունակէ հոսիլ: Ցեղասպանութեան զոհ դարձած եւ արտաքսուած հայերէն մնացած կանգուն պատմական կուշարձաններէն է այս աղբիւրը, որ կառուցուեր է 1802 թուականին: Շուրջ 200 տարի անդադար հոսող այս աղբիւրէն գիւղացիները թէ՛ ջուր կը խմեն, եւ թէ՛ կ’օգտագործեն զայն դաշտերը ոռոգելու համար։

«Երբ գիւղին մէջ երաշտի պատճառով գետերը կը ցամքին, այս աղբիւրը կը շարունակէ հոսիլ: Աղբիւրը կառուցեր են հայերը։ 1915 թ.-ին Հայոց դէմ կատարուած  ցեղասպանութեան ժամանակ մեր գիւղին մէջ գտնուող հայերն ալ կոտորուեր են։ Գօւղի ետեւի մասին գտնուող դաշտերուն մէջ բոլորը սպաննուեր են: Հիմա ոչ մէկ հայ մնացած է»,- նշեր է գօւղի բնակիչներէն՝ 58-ամեայ Շահաբեթթին Դաշլըքը: