Ըստ Ստեպ Նիւզ գործակալութեան, ռուս մասնագէտները քանի մը ուղաթիռներով ժամաներ են Հոմս նահանգի Պալմիրա քաղաք՝ այնտեղ վերականգնողական աշխատանքներ իրականացնելու համար։

Ահաբեկիչներուն կողմէ քանդուած պատմական քաղաքը կը համարուէր Միջին Արեւելքի նշանաւոր կոթողներէն, եւ անոր վերականգնումը շատ կարեւոր է։ Պալմիրայի քաղաքապետ Հանի Դայէսը նշեր է, որ միայն ռուս մասնագէտները ժամաներ են քաղաք, Եւրոպայէն խոստացուած օգնութիւնը դեռ կը մնայ որպէս խոստում։

Յիշեցնենք, որ Պալմիրան յայտնուեր էր Դաէշ-ի  վերահսկողութեան տակ 2015-ի Մայիսին: Իսլամիստները ոչնչացուցեր են հնագոյն քաղաքին մեծ մասը, իսկ քանդակներն ու պատմական իրերը արտահանուեր են արտասահման: Սուրիական կառավարական ուժերը Ռուսաստանի օդատիեզերական ուժերու օգնութեամբ կրցան ամբողջովին ազատագրել  Պալմիրան 2017 թուականի Մարտին: