Արաբական դաշնակիցները Եմենի Խոդէյդա նաւահանգստային քաղաքի հիւսիսին ռազմական գործողութիւն սկսեր են «ռազմական կառոյցներու» դէմ: Ասոր մասին յայտներ Է Al Arabiya-ն՝ ինչպէս կը տեղեկացնԷ «Արմենպրես»-ը։ Դաշնակիցներու ներկայացուցիչ գնդապետ Թիւրքի ալ Մալիքին յայտարարեր Է, որ գործողութիւնը կը համապատասխանԷ միջազգային իրաւունքին, եւ խնդրեր Է քաղաքացիական անձերուն, որ հեռու մնան գործողութեան թիրախ հանդիսացող կառոյցներէն: Դաշնութիւնը կը նշԷ, որ թշնամական կառոյցներուն ոչնչացումը կը նպաստԷ ծովային նաւագնացութեան ազատութեան:

Աւելի վաղ Թիւրքի ալ Մալիքին յայտներ Է, որ դաշնային ուժերը խափաներ են «Հութի աշխարհազօրայիններու ահաբեկչական գործողութիւնը Կարմիր ծովի հարաւին»:

Ինչպէս արդէն տեղեկացուեր Է, Եմենցի ապստամբ հութիներն ստանձներ են  պատասխանատվութիւնը այն հարուածներուն, որոնք Սեպտեմբերի 14-ին հասցուեր են Սէուդական Արաբիոյ Aramco նաւթընկերութեան կառոյցներուն, սակայն Էր-Ռիադը կը գտնէ, որ գրոհներն իրականացուեր են ոչ Եմենէն, – հաղորդեր Է «Ինտերֆաքս»-ը: