Եւրոխորհուրդի 70-ամեակին կապակցութեամբ կազմակերպուած միջոցառումներուն մասնակցելու նպատակով՝ Ստրազբուրգի մէջ գտնուող Ֆրանսայի նախագահ Էմանուէլ Մակրոնը խօսեր է նաեւ Սուրիոյ հարցով Թիւրքիոյ կողմէ իրականցուող քաղաքականութեան մասին։

Նշելով, որ Թիւրքիոյ մէջ իրաւապաշտպաններու, մարդու իրաւունքներու պաշտպաններու եւ ժողովրդավարական գաղափարները պաշտպանողներուն նկատմամբ բռնաճնշումներ  կ՛իրականացուին՝ խարխլելով իրաւական պետութեան հիմքերը, – Ֆրանսայի նախագահն անդրադարձեր է նաեւ Սուրիոյ հարցով Թիւրքիոյ վարած քաղաքականութեան։

Մակրոնը շեշտեր է, որ իրենք թոյլ չեն տալու Թիւրքիային, որ Սուրիացի փախստականներու խնդիրը շահարկելով եւ որպէս գործիք օգտագործելով, ներխուժէ Սուրիա։ Ըստ Ֆրանսայի նախագահին՝ Թիւրքիոյ վարած այդ քաղաքականութիւնն անընդունելի է։