Հայ ժողովուրդի մէծ բարեկամ, Լիտուանիոյ ժողովրդական բանաստեղծ, Հայաստանի մշակոյթի վաստակաւոր գործիչ Էդուարդաս Մեժելայտիսի ստեղծագործութիւններն Հայաստանի մասին ամփոփուեր են «Իմ կրկնակի Արարատը» գիրքին մէջ: «Իմ կրկնակի Արարատը» գիրքը կազմող գրող, թարգմանիչ, Ֆելիքս Բախչինեանի խօսքով՝ գիրքը հրատարակուեր է Էդուարդաս Մեժելայտիսի ծննդեան 100-ամեակին առիթով:

Ֆելիքս Բախչինեանի խօսքով, լիտուանացի գրողը մեծ բանաստեղծ ըլլալէ զատ՝ նաեւ մեծ փիլիսոփայ էր: Անոր գնահատմամբ, ռուս մեծ գրող Վալերի Բրիւսովէն ետք Մեժելայտիսը երկրորդն է, որ կրցեր է այսպէս խորութեամբ անդրադառնալ հայ մշակոյթին:

«Ան սիրահարուած էր Հայաստանին: Ան իւրայատուկ ձեւով անդրադարձած է մեր երկրին՝ իր ստեղծագործությիւններուն մէջ:

Երբ եկած էր Հայաստան, անոր նուիրած էին Նարեկացիի հատորը: Հետագային իր տպաւորութիւնները արտայայտեր էր ակնարկով», ըսաւ Ֆելիքս Բախչինեանը:

Այսօր՝ հոկտեմբերի 3-ին՝ Էդուարդաս Մեժելայտիսի ծննդեան օրը, Առնօ Բաբաջանեան համերգասրահին մէջ տեղի կ՛ունենայ երեկոյ՝ նուիրուած մեծանուն գրողի 100-ամեակին: Կը կայանայ նաեւ «Իմ կրկնակի Արարատը» գիրքի շնորհանդէսը: