Մեծանուն հայ երգահան ու երաժշտագէտ Կոմիտասի (Սողոմոն Սողոմոնեան) ծննդեան 150-րդ տարեդարձին առիթով Ստամբուլի մէջ համերգ կը կատարուի։

«Հնչում է Առաւօտ լուսոն» խորագիրով համերգին պիտի մասնակցին շարք մը անուանի արուեստագէտներ ու երաժշտական խումբեր: Համերգի ընթացքին Կոմիտասի ստեղծագործութիւնները պիտի կատարեն Այնուր Դողանը, Էրթան Թեքինը, Գեւորգ Դաւթեանը, Լեւոն Էրոյեանը, «Լուսաւորիչ» մանկական երգչախումբն ու Սեւանայ Չաքերեանը, Փերուին Չաքարը, Հայաստանէն հրաւիրուած «Գողթ» երաժշտական խումբը, ԱՄՆ-էն  հրաւիրուած Արա Դինքչեանը եւ Զուլալ եռեակը։

Թրքական «Anadolu Kültür» ու «Kalan Müzik»  մշակութային կեդրոններու եւ Մաքսիմ Գորկիի անուան թատրոնի համագործակցութեամբ կազմակերպուած համերգը տեղի պիտի ունենայ Հոկտեմբերի 7-ին ժամը 20։30-ին՝ “Ջեմալ Ռէշիտ Ռէյ” համերգասրահէն ներս։ Համերգը նաեւ ուղիղ եթերով պիտի հեռարձակուի «Kalan Müzik»-ի Youtube-ի էջէն։