Ուաշինգտոնը պատժամիջոցներ սահմաներ է Թիւրքիոյ ազգային պաշտպանութեան եւ Էներգետիկայի ու բնական պաշարներու նախարարութեան, այդ գերատեսչութիւններու ղեկավարներ Հուլուսի Աքարի եւ Ֆաթիհ Դոմնեզի, ինչպես նաեւ ներքին գործոց նախարար Սուլէյման Սոյլուի դէմ:

Ինչպէս կը տեղեկացնէ «Արմենպրես»-ը, ասոր մասին կը հաղորդուի ԱՄՆ-ի ֆինանսներու նախարարութեան կայքէն: Ամերիկեան գերատեսչութեան կողմէ տարածուած մամուլի տեղեկագիրի գրութեան համաձայն՝ Ուաշինգտոնը Անկարայի նկատմամբ սահմանափակիչ միջոցներ կը կիրառէ այն բանի առիթով, որ «թրքական կառավարութեան գործողութիւնները կը սպառնան Սուրիոյ անմեղ ու խաղաղ բնակիչներուն, ինչպէս նաեւ կ՛ապակայունացնեն տարածաշրջանը՝ վիժեցնելով ԻՊ-ի ոչնչացման ռազմարշաւը»:

ԱՄՆ-ի ելեւմտական նախարարութիւնը նաեւ յայտարարեր է, որ պատրաստ են լրացուցիչ պատժամիջոցներ սահմանելու Թիւրքիոյ կառավարութեան պաշտօնեաներու, ինչպէս նաեւ պետական ընկերակցութիւններու դէմ: Պատժամիջոցներու ցուցակին վրայ յայտնուիլը կը նշանակէ ԱՄՆ-ի մէջ անձի հաշիւներու սառեցումը եւ ԱՄՆ-ի քաղաքացիներուն կամ ընկերութիւններուն կողմէ տուեալ անձերուն հետ առեւտուր վարելու արգելքը, – հաղորդեր է ՏԱՍՍ-ը: