ԱՐԵՒՄՏԵԱՆ ՀԱՀԱՍՏԱՆ  – Հետեւելով 2020-ին Արցախի նախագահական թեկնածուներուն շուրջ վերջին լրատուամիջոցներու լուսաբանման, մենք կ՛ուզէինք իմանալ Նախագահ Արմենակ ԱԲՐԱՀԱՄԵԱՆԻ վերլուծութիւնը՝ այս նախագահական ընտրություններու խնդիրին վերաբերեալ՝ կապուած Արեւմտեան Հայաստանի հետ:

Արմենակ ԱԲՐԱՀԱՄԵԱՆ – Ես կ՛ուզէի շնորհակալութիւն յայտնել ձեզի այս հարցին համար, որ կը վերաբրի 2020 թուականին Արցախի մէջ կայանալիք նախագահական ընտրութիւններուն, ինչը ցույց կուտայ այն բոլոր հետաքրքրութիւնն ու զգայունութիւնը, որ դուք կը կրէք մեր ազգի ապագային հանդէպ:

Նախ եւ առաջ պէտք է յիշել, որ 1920 թուականին ճանչցուած Արեւմտեան Հայաստանի պետութեան համար՝ Արցախը Սեւրի պայմանագիրի 92-րդ յօդուածին համաձայն, մեր պետութեան մէկ մասն է, եւ անոր ճանաչման իրաւունքի հարցը արդէն 1920-ին որոշուած հարց է:

Յօդուած 92. Հայաստանի սահմանները Ատրպէյջանի եւ Վրաստանի միջեւ՝ համապատասխանաբար կ՛որոշուին տուեալ պետութիւններուն միջեւ համաձայնութեամբ:

Եթէ մէկի կամ միւսի պարագային շահագրգիռ պետութիւնները անկարող կ՛ըլլան 89-րդ յօդուածով նախատեսուած որոշումը իրականացնելու՝ սահմանները որոշելու ընդհանուր համաձայնութեամբ, ապա այն կ՛որոշուի Գլխաւոր Դաշնակից Տէրութիւններուն կողմէ, որոնց անհրաժեշտ է տեղւոյն վրայ վերանայիլ սահմանագծումը:

Այլեւ պէտք է նշեմ, որ ճիշդ այս իրաւական պատճառով է, որ Թիւրքիան կը պահանջէ՝ Արցախի հարցը կարգաւորել ի նպաստ Ատրպէյջանի:

Այսպիսով, Արցախի անկախութեան եւ Արցախի հայ ժողովուրդի ինքնորոշման իրաւունքի հարցը մաս կը կազմէ Արեւմտեան Հայաստանի հարցին, ինչը կը յայտարարեմ որ լուծուած է՝ Արեւմտեան Հայաստանի կողմէ Սեւրի պայմանագիրի վաւերացումով:

Այնուհետեւ ըսել կ՛ուզեմ մեր բոլոր հայրենակիցներուն, որ ես անձամբ կը ճանչնամ ոչ միայն Արցախի ներկայ նախագահին՝ այլեւ յաջորդ նախագահական ընտրութիւններու բոլոր նոր թեկնածուներուն, եւ անոնցմէ իւրաքանչյուրին՝ իրենց գործունէութեան համապատասխան ոլորտով, որոնք փորձառու եւ բարձր որակի մակարդակի թեկնածուներ են, եւ անհրաժեշտ են ոչ միայն Արցախի՝ այլեւ Արեւմտեան Հայաստանի ապագային համար, թոյլ տուէք բացատրել.

2020թ-ի այս նախագահական ընտրութիւնները տեղի պիտի ունենան հայկական տարածքին վրայ, որն այսօր չի պատկանիր Հայաստանի Հանրապետութեան, ոչ ալ մաս կը կազմէ Ատրպէյջանի Հանրապետութեան, այսպիսով կրնա՞ք ինծի ըսել, այս տարածքը ո՞ր պետութեան մասը կը կազմէ, ինչպէս ըսի աւելի շուտ՝ այդ տարածքը մէկ մասն է 1920-ին ճանչցուած Հայաստանի հայկական պետութեան, որ այսօրուայ Հայաստանի Հանրապետութիւնը չէ, եւ որ այս ընտրութիւններն այդպիսով ունին իւրայատուկ ազգային եւ միջազգային հետեւանքներ ու արձագանք, այն առումով, որ անոնք կը կատարուին Արեւմտեան Հայաստանին կողմէ վաւերացուած Սեւրի պայմանագիրով՝ օրինականօրէն անկախ տարածքին վրայ:

Որպէս Արեւմտեան Հայաստանի Նախագահ՝ ես կը ճանչնամ այս սահմանադրական ընտրութիւնները Արեւմտեան Հայաստանի սահմանադրութեան շրջանակներէն ներս, որն առաւել եւս կ՛ակնկալէ այս քաղաքական-իրաւական դաշտին ըլլալ` Սեւրի պայմանագիրի հարիւրամեակի շրջանակներուն մէջ:

Ինչպէս վերջերս Էրդողանը նշեց՝ «ոչ մէկ երկիր աւելի հզօր է, քան միջազգային իրաւունքը», այնպես որ, այն ինչ տեղի պիտի ունենայ Արցախի մէջ 2020 թուականին՝ եզակի ոյժ ունի Արցախի, Հայաստանի, Արեւմտեան Հայաստանի եւ ամբողջ աշխարհի համար։ Եթէ ամբողջ աշխարհի հայութիւնը անմիջականօրէն կամ անուղղակիօրէն մասնակցի այս ընտրութիւններուն՝ մեծ ուժով եւ եղբայրաբար կը դիմաւորենք Արցախի Ինքնավար Հանրապետութեան ապագայ նախագահին:

Եւ, ինչպէս նշեր է ՀՀ վարչապետ պարոն ՓԱՇԻՆԵԱՆԸ՝ «Արցախը Հայաստան է եւ վերջ»: Այստեղ ան ակնյայտօրէն չի խօսիր 1991 թուականի Հայաստանի Հանրապետութեան մասին՝ այլ այն Հայաստանի մասին, որ ճանչցուեցաւ 1920թ-ին Արեւմտեան Հայաստանի տարածքին:

Այս ընտրութիւններն ու անոր արդիւնքները ինչպէս արդէն նշեցի՝ հետեւանքներ պիտի ունենան ողջ հայ ազգին համար, ներառեալ նաեւ Արեւմտեան Հայաստանին համար: Եկէք պատրաստ ըլլանք: