Արեւմտեան Հայաստանի Մուշի Վարթօ շրջանին 20 գիւղական ճանապարհ փակուած է երթեւեկութեան համար։ Համապատասխան մարմինները կը սկսին աշխատիլ ճամբաները բանալու ուղղութեամբ:

Ուժեղ տեղացած անձրեւը երեկոյեան ժամերուն վերածուեր է ձիւնի: Դէպի մայրուղի տանող 20 գիւղերու ճամբաները փակուեր են:

Առաւօտեան աշխատանքի շտապող բնակիչները՝ աշխատանքն սկսեր են ձիւնամաքրման եւ վառարաններու տաքացման աշխատանքներով: Քաղաքի կեդրոնին՝ ձիւնի հաստութիւնը հասած է մօտ 10 սանտիմետրի, իսկ աւելի բարձր մասերուն` անցած է 20 սանտիմետրէն: