Երկար տարիներէ ի վեր Ախալքալաքի շրջանի Խորենիա գիւղին մէջ խմելու ջուրի խնդիր կայ: Այսօրուայ դրութեամբ՝ մարդիկ կ՛օգտուին ջրհորներէն, ջուր կը կրեն աղբիւրներէն: Յոյս կայ, որ յաջորդ տարի Խորենիայի բնակիչները կը կարողանան օգտուիլ ջրամատակարարման համակարգէն:

Խորենիա գիւղի բնակիչները ջուրի բացակայութեան պատճառով՝ ջրհորի ջուր կը խմեն: Խորենիա գիւղի լիազօր Արկադի Ֆիդանեանի խօսքով, այս պահին աշխատանքներ կը տարուին ջրամատակարարման համակարգի կառուցման ուղղութեամբ, եւ յաջորդ տարիէն գիւղին մէջ  իւրաքանչիւր ընտանիք խմելու ջուր կ՛ունենայ:

«Աշխատանքները սկսեր են 10 օր առաջ, այժմ կեդրոնական գիւղին մէջէն անցուած է գրեթէ 3 կմ խողովակաշարը», – կ’ըսէ Արկադի Ֆիդանեանը:

«Աշխատանքները պիտի շարունակուին յաջորդ տարի եւ պիտի աւարտուին մինչեւ 2020 թուականի Յուլիսը», – կ’ըսէ ան:

Ըստ Արկադի Ֆիդանեանի, աղբիւրէն մինչեւ գիւղ՝ կեդրոնական գիծի ընդհանուր երկարութիւնը պիտի կազմէ 12 կմ։