ԱՄՆ-ի գլխաւորած միջազգային դաշնութեան պատկանող անօդաչու թռչող սարքը ոչնչացուցեր է Սուրիոյ Իդլիբ նահանգի «Հայաթ Թահրիր ալ-Շամ» ահաբեկչական խմբաւորման առաջնորդին: Ասոր մասին կը յայտնէ Sham FM ռադիոկայեանը:

«Հայ՛աթ Թահրիր ալ-Շամի հրամանատար Աբու Ահմադ ալ-Մուհաջիրը վերացուեր է Իդլիբի հիւսիս-արեւելքին գտնուող Աթմէ քաղաքին մէջ՝ միջազգային դաշնութեան կողմէ օդային հարուածի հետեւանքով», կը յայտնէ ռադիոկայեանը:

Առաջ Հայ՛աթ Թահրիր ալ-Շամը կը կոչուէր Ջեբհաթ ալ-Նուսրա:

Պէտք է նշել, որ Սուրիոյ մէջ ամերիկեան դաշնութեան գործողութիւնները չեն թելադրուած ահաբեկչութեան դէմ պայքարով, այլ կը հետապնդեն որոշակի շահեր:

Բացի այդ, ԱՄՆ-ի ուժերը, ինչպէս նաեւ Թիւրքիոյ զինուժը, ապօրինի կերպով կը  գտնուին Սուրիոյ մէջ, առանց Սուրիոյ իշխանութիւններու թոյլտւութեան կամ ՄԱԿ-ի լիազօրագիրին: