«Հայկական որմնանկարչութիւն. գիտական յօդուածներու եւ նիւթերու ժողովածու» գիրքին մէջ առաջին անգամ կը ներկայացուի հայկական որմնանկարչութիւնը՝ հնագոյն շրջանէն մինչեւ մեր օրերը։ Ժողովածուն կը ներառննէ յօդուածներ եւ նիւթեր ինչպէս յայտնի ուսումնասիրուած, այնպէս ալ նորայայտ կամ սակաւ հետազօտուած բազմաթիւ որմնանկարներու վերաբերեալ։ 

«Արմենպրես»-ի հաղորդմամբ` գիրքին շնորհանդէսը տեղի ունեցաւ Դեկտեմբերի 3-ին Մատենադարանի մէջ: 

Մատենադարանի տնօրէն Վահան Տէր-Ղեւոնդեանն ըսաւ, որ ներկայացուցած են հայ միջնադարեան արուստի ամբողջ ուղղութիւնը, որն անմիջականօրէն կապուած է  աստուածաբանութեան, ճարտարապետութեան եւ քանդակագործութեան: «Որմնանկարչութիւնն ուսումնասիրութեան կարիք ունի, եւ ան արուեստի ճիւղ է, որ վտանգուած է ու ենթակայ է ոչնչացման»,-նշեց ան: 

Այս գիրքին մէջ կարելի է ծանօթանալ որմնանկարչութեան բոլոր հիմնական ուղղութիւններուն՝ թէ’ Արեւելեան Հայաստանի, թէ’ Արեւմտեան Հայաստանի  եւ թէ՛ գաղթավայրերու որմնանկարներուն: