«Ես եմ» խորագիրի տակ Նկարիչներու միութեան մէջ շատ ուշագրաւ ցուցահանդէս մը բացուեր է, ուր ներկայացուած են աւելի քան 30 երիտասարդ գեղանկարիչներու եւ քանդակագործներու ստեղծագործութիւնները:

Կոմիտասի ծննդեան 150-ամեայ յոբելեանին նուիրուած այս ցուցահանդէսը կազմակերպեր է Համազգային հայ կրթական եւ մշակութային միութեան Երեւանեան գրասենեակը՝ որպէս ամփոփում այս տարուայ իր նախաձեռնած Կոմիտաս-Թումանեան յոբելեանական շարք մը միջոցառումներուն: Ցուցահանդէսը երիտասարդ արուեստագէտներուն հնարաւորութիւն կ՛ընձեռէ ցուցադրելու իրենց ստեղծագործութիւնները եւ մուտք գործելու մեծ արուեստ:

Քանդակագործները ընդհանուր առմամբ Գեղարուեստի ակադեմիայի ուսանողներն են։