Արեւմտեան Հայաստանի Սեբաստիոյ նահանգի Զառա գաւառի Թէօդիւրգէ գիւղի 4600-ամեայ հնամենի ժայռափոր կացարանները հնարաւոր է, որ վերականգնուին տեղի բնակիչներու պահանջով։ Թէօդիւրգէ գիւղի հիւսիսին եւ հարաւ-արեւմուտքին գտնուող այդ մօտ 100 քարայրները՝ ենթադրաբար կառուցուեր են շուրջ 4 հազար տարի առաջ։ Քարանձաւներուն մէջ առկայ են կացարան յիշեցնող փոքր սենեակներ, որոնք ամենայն հաւանականութեամբ նախ օգտագործուեր են հռովմէական ժամանակաշրջանին։ Գիւղի հիւսիսին տեղադրուած քարայրներուն մէջ նկատելի են խաչի նշաններ, որոնցմէ ելլելով կենթադրուի, թէ այդ կացարաններուն մէջ բնակեր են նաեւ առաջին քրիստոնեաներ։

Յայտնի է, որ այս քարայրներուն մէջ ամենավերջին ժամանակին ապրեր են հայերը։  

Գիւղի բնակիչները կը ցանկանան, որ քարայրներու աստիճաններն աւելի լաւ կառուցուին, եւ այս քարանձաւները բացուին զբօսաշրջիկներուն առջեւ։