Մէկ ամիս առաջ մեկնարկեր են Տիգրանակերտի կեդրոնական Սուր շրջանին գտնուող Սուրբ Կիրակոս հայկական եկեղեցւոյ վերանորոգման աշխատանքները։ Կը նախատեսուի, որ վերանորոգման աշխատանքները աւարտուին 2020թ․-ի վերջին։

Աւելի վաղ՝ 2011թ․-ին երկարատեւ լքուածութիւնէն ետք եկեղեցին վերանորոգուեր եւ վերաբացուեր էր եկեղեցւոյ հիմնադրամի եւ Տիգրամնակերտի քաղաքապետարանի ֆինանսաւորմամբ։ Սակայն 2015թ․-ի վերջին եւ 2016թ․-ի առաջին կէսին Սուրի մէջ տեղի ունեցած բախումներուն ընթացքին եւ անոնցմէ ետք՝ եկեղեցին յայտնուեր էր կիսավեր վիճակի մէջ։ Շինութեան պատերուն խոշոր անցքեր  գոյացեր էին, տանիքը վնասուեր էր։

Միջին Արեւելքի ամենամեծ հայկական եկեղեցին համարւող Տիգրանակերտի Սուրբ Կիրակոս եկեղեցին կառուցուեր է 1376-ին։ Ան կը գտնուի քաղաքի կեդրոնական՝ հայաշատ Ֆաթիհփաշա թաղամասին մէջ։