«Էրեբունի» պատմահնագիտական արգելոց-թանգարանի ժամանակաւոր ցուցադրութիւններու սրահին մէջ կայացաւ հայ ականաւոր հնագէտ Աշխարհաբեկ Քալանթարի յիշատակին նուիրուած «ՈՒԵԴՈՒՐԻ – ԷԹԻՈՒՆԻ երկրի հնագիտական ժառանգութիւնը» խորագիրով ժամանակաւոր ցուցադրութեան հանդիսաւոր բացումը: «Արմենպրես»-ի հետ իր զրոյցին արգելոց-թանգարանի տնօրէն Միքաէել Բադալեանը նշեց, որ ցուցադրութեամբ ներկայացուած են Սեւանայ լիճի աւազանի տարածքէն գտնուած եզակի նմուշներ: Ասոնք անգնահատելի եւ եզակի զարդեր են։

Շատ քիչերը գիտեն, որ մեր լեռնաշխարհին եղած է ՈՒԵԴՈՒՐԻ-ԷԹԻՈՒՆԻ կոչուող երկրամաս՝ Սեւանի հարաւ-արեւմտեան մասէն մինչեւ հարաւային մասն ինկած հատուածին:  Ժամանակաւոր ցուցադրութիւնն այցելուներու համար բաց պիտի ըլլայ մինչեւ Մարտի 20-ը: