Առնուազն չորս հրթիռ պայթեր է Բաղդադէն հիւսիս գտնուող ռազմակայեանին մօտ, ուր տեղակայուած են ԱՄՆ-ի ԶՈւ զինծառայողները։ Ասոր մասին տեղեկացուցեր է Al Arabiya հեռուստաալիքը՝ յղում կատարելով Իրաքի անվտանգութեան ուժերուն, – կը փոխանցէ ՏԱՍՍ-ը։

«Կատյուշա» տիպի չորս հրթիռ պայթեր է երեկոյեան Էլ Թաջ մեծ ռազմակայեանին մօտ, որ կը գտնուի Իրաքի մայրաքաղաքին մօտ, եւ ուր ամերիկեան զօրքերն են»,- ճշտեր է հեռուստաալիքը։ Կը նշուի, որ պայթիւններուն հետեւանքով ոչ ոք տուժած է։