Ալի-Աքբար Վելայաթին՝ Միջազգային յարաբերութիւններու Գերագոյն Ուղեցոյցի խորհրդականը, Սուրիոյ տօհմապետերու եւ շէյխերու պատուիրակութեան հետ հանդիպման ժամանակ յայտարարեց. «Դուք Սուրիոյ մէջ դիմադրութեան հիմնասիւներն էք»:

«Իրանի Իսլամական Հանրապետութիւնը դէմ է տարածաշրջանի երկիրներէն ներս որեւէ արտաքին միջամտութեան: Ան չի յապաղիր Դիմադրութեան կողքին կանգնելու՝ ընդդէմ թշնամիներու դաժանութեան, դաւադրութեան, ոտնձգութեան եւ երկիրներու միջեւ թշնամութիւն յարուցող ծրագիրներուն», – աւելցուց ան:

Ինչ կը վերաբերի ԱՄՆ-ի նախագահի անպարկեշտութեան՝ պարոն Վելայաթին ըսաւ. «Ամերիկայի նախագահը յստակօրէն յայտարարեց, որ իր զօրքերը Սուրիոյ մէջ են անոր նաւթին համար: Սա ապօրինի գործողութիւն է, բացայայտ գողութիւն եւ միջազգային իրաւունքի խախտում: Երկրի մը բարիքները կը պատկանին անոր ժողովուրդին: »:

Եւ շարունակեց. «Մենք դէմ ենք օտարերկրացիներու կողմէ բուֆերային գօտիի ստեղծման եւ Սուրիոյ կամ տարածաշրջանի որեւէ այլ վայրէն ներս արտաքին միջամտութեան, քանի որ այդ կը նշանակէ երկիրներու մասնատումն ու գաղութացումը: Ինչպե՞ս կրնանք Սուրիոյ անվտանգութիւնը ապահովել այս պայմաններուն տակ:

Եթե Սուրիոյ Սահմանադրութիւնը պէտք է փոխուի, ապա միայն սուրիացի ժողովուրդը կրնայ այդ ընել՝ առանց որեէ այլ երկրի միջամտութեան: Մենք համոզուած ենք, որ սուրիացի ժողովուրդն ու Սուրիոյ կառավարութիւնը շուտով կ՛ազատագրեն Իդլիբը, եւ կը վերականգնեն Արեւելեան Եփրատը, քանի որ այս շրջանը կը պատկանի սուրիացի ժողովուրդին, որ աւելի քան 9 տարի է կը դիմանայ վայրագութիւններուն: Եթէ տարածաշրջանի ժողովուրդները լռեն այս վայրագութիւններուն դիմաց՝ ապա անոնք վաղ թէ ուշ կը մատնուին նոյն ճակատագիրին»: (տեսէ՛ք Արեւմտեան Հայաստանը)

Յիշեցնելով Իրանի եւ Սուրիոյ միջեւ այնպիսի ռազմավարական կապերու հիմնարար պատճառները՝ ինչպէս օրինակ մահմետականութիւնը, նաեւ ազատագրումը գրաւեալ Պաղեստինեան տարածքներուն, որոնք նոյն տարածաշրջանի մասը կը կազմեն, Վելայաթին ըսաւ, որ «եթէ երկիր մը կը բռնագրաւուի եւ կը կողոպտուի՝ մենք պէտք չէ լռենք, այլ պէտք է միասին աշխատինք՝ որպէսզի կանգնեցնենք բռնակալները»: