Արեւմտեան Հայաստան – Անկախ Ֆուտբոլային ընկերակցութիւններու դաշնութիւնը (ConIFA) հրապարակեր է 16 թիմերու ամբողջական ցուցակը, որոնք պիտի մրցին Sportsbet.io 2020 ֆուտբոլի աշխարհի գաւաթի խաղարկութեան, որ տեղի պիտի ունենայ 2020 թուականի Մայիս 30-էն Յունիս 7-ն, Հիւսիսային Մակեդոնիոյ Հանրապետութեան մայրաքաղաք Սկոպիէի մէջ:

CONIFA-ին գրանցուած 56 անդամներէն, որոնք կը ներկայացնեն 6 մայրցամաքներ, CONIFA World Cup 2020-ին համար որակաւորուեր են 16 թիմ: Նշենք, որ  CONIFA- ի կողմէ կայանալիք այս համաշխարհային միջոցառումը կը կազմակերպուի արդեն 4-րդ անգամ: Այն իր շուրջ կը համախմբէ այնպիսի ազգեր, որոնք դուրս մնացած են FIFA- էն, չունին պետութիւն, կամ կը ներկայացնեն դէ ֆակտօ եւ դէ յուրէ պետութիւններ որոնք բռնագրաւուած են ( Արեւմտեան Հայաստան):

Ափրիկէ:

  • Մաթաբելիլենդ
  • Կաբիլիա
  • Դարֆուր
  • Արեւմտեան Սահարա (Sur invitation)

 Ասիա:

  • Թամիլ Էլամ
  • Փենջաբ 
  • Ճապոնի Կորիացիներու միավորումը

Եւրոպայ:

  • Հարաւային Օսեթիա
  • Արեւմտեան Հայաստան
  • Քորնուայ
  • Ջերսի
  • Կարպատալիա

Հիւսիսային Ամերիկա:

  • Կասկադիա

Ովկիանիա

  • Աւստրալիոյ բնիկ ազգեր

Հարաւային Ամերիկա:

  • Մապուչի

Աբխազիայէն (2016 թ.) Եւ Լոնդոնէն (2018 թ.) յետոյ, Արեւմտեան Հայաստանի հաւաքականը 3-րդ անգամ անընդմեջ մասնակցելու է այս միջազգային սպորտային մրցաշարին:

Խաղարկութիւնը տեղի պիտի ունենայ ConIFA-ի անդամներու տարեկան ընդհանուր ժողովի ժամանակ, որ տեղի պիտի կունենայ Ջերսի կղզիին մէջ, 2020 թուականի Յունուար 25-ին եւ 26-ին:

Պատմական եւ իրաւական յիշեցում Արեւմտեան Հայաստանին վերաբերեալ ՝ որեւէ թիւրիմացութենէ խուսափելու համար.

Յիշեցնենք, որ 1917թ.-ի Դեկտեմբեր 29-ին Արեւմտեան Հայաստանի Երզնկայի մէջ Թիւրքիոյ եւ Ռուսաստանի միջեւ կնքուած զինադադարէն յետոյ, Խորհրդային Ռուսաստանի Ժողկոմխորհին կողմէ ընդունուած «Թիւրքահայաստանի մասին» (Արեւմտեան Հայաստան) Դեկրետով ճանչցուեչ է Թիւրքահայաստանի (Արեւմտեան Հայաստան) հայութեան ազատ ինքնորոշման իրաւունքը՝ ընդհուպ մինչեւ լիակատար անկախութիւն:

1920թ.-ի Յունվար 19-ին` Փարիզի Վեհաժողովին ժամանակ, Դաշնակից Տէրութիւններու Գերագոյն Խորհուրդին կողմէ դէ ֆակտօ (de facto) ճամչցուեցաւ Արեւմտեան Հայաստան պետութիւնն ու կառավարութիւնը՝ նախագահ Պօղոս Նուբար Փաշայի գլխաւորութեամբ, իսկ 1920թ.-ի Մայիս 11-ին՝ Սան Ռէմոյի վեհաժողովին ժամանակ դէ յուրէ (de jure) ճանչցուեցաւ որպէս անկախ եւ ինքնիշխան պետութիւն: 

Արեւմտեան Հայաստանը Առաջին աշխարհամարտի մարտնչող պետութիւններէն մէկն է։ Ան 1916 թուականի Նոյեմբեր 15-ին Ֆրանսայի հետ ձեւաւորեց Արեւելեան լէգիոնը՝ ուր ներգրաւուեցան հայ կամաւորներ, այնուհետեւ 1919-ի Փետրուար 1-ին անկէ ձեւաւորուեցաւ  Հայկական լէգիոնը՝ Կիլիկիոյ ապագայ հայկական ազգային բանակին կորիզը, Ֆրանսայի կողմէ սատարուած եւ ապա թողլքուած։

Թիւրքիան ճանչցած է Արեւմտեան Հայաստանը` ստորագրելով Սեւրի պայմանագիրը (1920 թ.-ի Օգոստոս 10), ապա բռնագրաւեց զայն:

1920թ.-ի Նոյեմբեր 22-ին ԱՄՆ-ի նախագահ Վուդրօ Ուիլսոնի Իրաւարար վճիռով որոշուեցաւ հայ-թրքական սահմանը՝ ներառեալ Բիթլիսի, Վանի, Էրզրումի եւ Տրապիզոնի նահանգները, բայց չճանչցուեցաւ Ազգերու Լիգային եւ ՄԱԿ-ին կողմէ, քանի որ ան բռնագրաւուած է Թիւրքիոյ կողմէ:

Յիշեցնենք, որ 1894 թուականէն մինչեւ 1923 թուականը՝ Արեւմտեան Հայաստանի գրաւեալ տարածքներու հայ բնիկ բնակչութիւնը ենթարկուեցաւ ցեղասպանութեան, ինչը կատարուեցաւ Թիւրքիոյ կյաջորդական երեք կառավարութիւններուն կողմէ:

Բռնագրաւիչ Թիւրքիան 1932 թուականի Յուլիս 18-ին դարձաւ Ազգերու Լիգայի անդամ:

Կարինը (Էրզերում) կը հանդիսանայ Արեւմտեան Հայաստանի պաշտօնական մայրաքաղաքը, որ ճանչցուեր է դաշնակից ուժերուն կողմէ 1920 թ.-ին։

Սեւրի Պայմանագիրի 93-րդ յօդուածին հիման վրայ՝ փոքրամասնութիւններուն իրաւունքները ամբողջութեամբ կը ճանչցուին Արեւմտեան Հայաստանի Պետութեան կողմէ:

http://www.western-armenia.eu/news/Actualite/2019/Pourquoi_le_Centenaire_du_Traite_de_Sevres.pdf

http://www.western-armenia.eu/news/Actualite/2019/Les_Conditions_de_Constitution_et_de_Reconnaissance_de_lArmenie_Occidentale.pdf